Boomboloshi 3:10 - Baibo Busansulushi Bwa Libuku Ili

¹⁰ Mushimu wa Mwaami Lesa wakesa pali nguwe. Aboobo wakaba moomboloshi wa bene Isilaeli akubatanjilila kuya kunkondo. Mpeeke Mwaami Lesa wakaaba Kushani Lishataimu mwaami wa kuMesopotamya mumaansa akwe Otiniyelo wamukoma.

Boomboloshi 3:10 Referans Kwoze

1 Samwelo 11:6

Saulo ndyaakanyumfwa boobo Mushimu wakwe Lesa wakamuselukila cankusu, mpeeke wakakalala abuumbi.

Boomboloshi 14:19

Mpomunyaawo Mushimu wa Mwaami Lesa wakesa pali nguwe akumupa nkusu. Lyalo wakaya kuAshikeloni uko nkwaakacaya bantu makumi otatwe. Wakabanyaya shakufwala shabo shibotu akushipa baabo bakasansulula kashimpi. Kuswawaawo wakaboolela kumishaabo kaakalalite abuumbi.

Boomboloshi 14:6

Mpeeke Mushimu wa Mwaami Lesa wakesa pali nguwe akumupa nkusu cakwaamba ayi wakaya waikwamuna amaansabo anga ngumuntu utookwamuna mwanaampongo. Sombi taakwe kulwiitawo baishi nabi banyina makani ayo.

Boomboloshi 13:25

Lyalo Mushimu wa Mwaami Lesa wakatalika kumupa nkusu kaacili kuMaane Dani, pakati ka Sola alimwi aEshitaoli.

Boomboloshi 11:29

Mpomunyaawo Mushimu wa Mwaami Lesa wakesa pali Jefuta. Lyalo wakeenda muGilyadi amucishi ca bene Manase. Kuswawaawo wakaboolela kuMisipa mucishi ca Gilyadi ngooyo kuAmoni.

Boomboloshi 6:34

Mpomunyaawo Mushimu wa Mwaami Lesa wakesa pali Gidyoni. Aboobo wakalisha lupeenga kwiita bamucipani cakwe Abiyesa ayi bamukonkele.

2 Makani 15:1

Mpeeke Mushimu wakwe Lesa wakaselukila Asaliya mwanaakwe Odedi.

Shakubelenga 24:2

akubona bene Isilaeli kabayakite mukowa amukowa. Mpeeke Mushimu wakwe Lesa wakamutanjilila,

Bene Ebulu 6:4

Inga tacicitikiiwo cakuboosha bantu bakasowa lushomo ayi basanduke kuswa kushibiibi shabo alimwi. Lesa wakalinga wabamunikilaawo kale, bakalinga basomawo kale cipo ciswa kwiculu, alimwi abalo bakalinga batambula Mushimu Usalashi.

Kulumbaisha 51:11

Mutantandaanyi kuswa kumeenso anu, nabi kunyaya Mushimu wanu Usalashi.

2 Makani 20:14

Lyalo Mushimu wa Mwaami Lesa wakesa pamwine Lefi wakacanika mulikoto ilyo. Liina lyakwe nguJaasiyelo mwanaakwe Sekaliya. Jaasiyelo wakalinga wamucipani cakwe Asafu. Asafu wakashala Mataniya, Mataniya wakashala Jeiyelo, Jeiyelo wakashala Benaya, lyalo Benaya wakashala Sekaliya.

1 Samwelo 16:13

Aboobo Samwelo wakabwesa lwiica lwa mafuta ayo akumunanika ayi abe mwaami pameenso a bamakwabo basankwa. Kuswa bushiku ubo Mushimu wa Mwaami Lesa wakaselukila Defedi cankusu. Lyalo Samwelo wakaboolela kuLama.

1 Samwelo 10:6

Mpomunyaawo cakuteengashila Mushimu wa Mwaami Lesa utookuselukila cankusu, lyalo utoolaluka pantu pomwi ambabo alimwi utooba muntu umbi.

Shakubelenga 27:18

Mpeeke Mwaami Lesa wakaambila Mose ayi, “Bwesa Joshuwa mwanaakwe Nani, umo muli Mushimu wangu, akubika maansaako pamutwi wakwe.

Shakubelenga 11:29

Lakwe Mose wakakumbula ayi, “Ino webo walisukama buyani kuleka ayi nebo ndisukame? Nebo inga ndakondwa kwaamba ayi Mwaami Lesa wapa Mushimu kubantu boonse akubalengesha ayi banoolaluka!”

Shakubelenga 11:25

Lyalo Mwaami Lesa wakaseluka mulikumbi akwaamba anguwe. Wakabwesa Mushimu ngomunya uyo ngwaakapawo Mose akupa bamaloba abo. Ono Mushimu ndiwakesa pali mbabo, bakatalika kulaluka, sombi tabakwe kutolelela kucita boobo.

Shakubelenga 11:17

Ndaakuseluka kwisa mukwaamba awebo peenka apo, alimwi ndaakubwesa Mushimu eenka ngondakakupaawo akubapa abalo. Lyalo balaakunookucafwa mulimo wa kweendelesha bene Isilaeli aba, anu teshi ukanoocita mulimo uyo weenka.

Boomboloshi 3:8

Aboobo Mwaami Lesa wakakalalila bene Isilaeli akubaaba mumaansa a mwaami Kushani Lishataimu wa kuMesopotamya, uyo bene Isilaeli ngobakasebensela myaaka yosanwe ayotatwe.

Boomboloshi 3:11

Lyalo mucishi cabo mwakaba luumuno kwamyaaka makumi one kushikila ciindi Otiniyelo mwanaakwe Kenasi ndyaakafwa.

1 Makani 12:18

Mpomunyaawo Mushimu wakwe Lesa wakaselukila Amasayi uyo wakesa mukuba mutanjilili wa bashilumamba bakalinga kwiitwa ayi Makumi Otatwe. Mpeeke wakoolobesha ayi, “Tuli baanu swebo nobaDefedi! Tuli kulubasu lwanu nobana babo baJese! Amuswitilile pantu pomwi abaabo batoomucafwa! Ncakwiila Lesa uli kulubasu lwanu.” Lyalo Defedi wakabatambula akubasuminisha ayi babe bamatanjilili ba bashilumamba bakwe.

Boomboloshi 11:32

Mpomunyaawo Jefuta wakasubuka mulonga akuya mukulwana abene Amoni. Mwaami Lesa wakabaaba mumaansaakwe.

Boomboloshi 15:14

Samusoni ndyaakashika kuLeyi, bene Filisiti bakesa coolobesha kuli nguwe. Mpomunyaawo Mushimu wa Mwaami Lesa wakesa pali nguwe akumupa nkusu. Aboobo wakasutoola ntambo nshaakalinga kwaangitwe mbuli butonje bwacatwa mulilo.

1 Samwelo 10:10

Saulo amusebenshi wakwe ndibakashika kuGibiya, likoto lya balaluki lyakabakumanya. Cakuteengashila Mushimu wakwe Lesa wakamuselukila cankusu. Lyalo wakalaluka pantu pomwi ambabo.