Boomboloshi 2:3 - Baibo Busansulushi Bwa Libuku Ili

³ Ono ntoomulwiita ayi bantu aba teshi mbataandeemo, sobwe. Balaakuba balwani banu alimwi balesa babo balaakuba anga ntoose kuli ndimwe.”

Boomboloshi 2:3 Referans Kwoze

Joshuwa 23:13

amukeshibe ayi Mwaami Lesa, Lesa wanu teshi akatandeewo mishobo iyo kunembo lyanu. Sombi balaakuba anga ntoose alimwi balaakunoocisa bweenka bucisa ciswepu mumusana nabi myuumfwa mumeenso, kushikila noonse mukaloobe mucishi cibotu cino cakamupa Mwaami Lesa, Lesa wanu.

Shakubelenga 33:55

Sombi na mukabule kutanda bantu bali mucishi ico, abo mbweshi bakacaale balaakumupensha anga ntupampaansha mumeenso nabi anga njimyuumfwa ili mumbafu shanu alimwi balaakumulwana.

Kulumbaisha 106:36

Bakalinga kulambila shibumbwabumbwa shabo, uko kwakaba anga nkoose kuli mbabo.

Dutolonomi 7:16

Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Boomboloshi 3:6

Lyalo bene Isilaeli bakatalika kweebana amishobo iyo alimwi akulambila balesa babo.

Boomboloshi 2:21

Aboobo teshi nkabatandilemo mushobo uli woonse wakashiya Joshuwa ndyaakafwa.

Kulonga 34:12

Mutakeeleshi kupanga cipangano abantu ba mucishi ico ncemutooyaamo, mukwiinga inga kaba koose kuli ndimwe.

Kulonga 23:33

Alimwi mutakasuminishi bantu abo kwikala mucishi canu. Na mukabasuminishe, balaakulengesha ayi mukambishishe. Kulambila balesa babo, kulaakuba koose keshi kakamuletele lufu.”

Boomboloshi 2:4

Mpeeke munjelo uyo ndyaakamana kwaamba maswi ayo kubene Isilaeli, bantu boonse bakalila cakoolobesha.

Boomboloshi 8:27

Lyalo Gidyoni wakapanga efodi kusebensesha golodi uyo akwiibika mundabala yakwe ya Ofula. Mpeeke bene Isilaeli boonse bakacileka kulambila Lesa akutalika kulambila efodi iyo. Efodi iyo yakaba koose kuli Gidyoni abamuŋanda yakwe.