Boomboloshi 11:3 - Baibo Busansulushi Bwa Libuku Ili

³ Mpomunyaawo Jefuta wakacica akushiya bamakwabo akuya mukwikala kucishi ca Tobu. Lyalo wakanyumfwana abasankwa bamwi bataaku mbobabete alimwi batanyumfwi abo bakatalika kumukonkela.

Boomboloshi 11:3 Referans Kwoze

Boomboloshi 9:4

Kuswawaawo bakamupa maali makumi osanwe a silifa kuswa kuŋanda yakalinga kulambililwaamo Baali Beliti. Maali ayo wakaapa bantu batanyumfwi, bataaku mbobabete, kwaamba ayi bamukonkele.

2 Samwelo 10:8

Mpeeke bene Amoni bakaswa mundabala yabo inene akulibambila kulwana kumwinjililo wa ndabala iyo. Balo bashilumamba bene Silya abo bakaswa kuLewobu aSoba, pantu pomwi abashilumamba bene Tobu alimwi abene Maaka, bakalibambilila muluundu kumusena utacite shisamu.

2 Samwelo 10:6

Bene Amoni ndibakeshiba ayi Defedi wabacimwa anga ncintu cibolete, bakabweleka bashilumamba bene Silya bapanshi bali 20,000 kuswa muBeti Lewobu aSoba, mwaami wa cishi ca Maaka abashilumamba bakwe bali 1,000 pantu pomwi abashilumamba bali 12,000 kuswa kuTobu.

1 Samwelo 22:2

Mpeeke bantu boonse bakalinga kuungumene, bakalinga munkongole abaabo batakalinga kukondetwe bakaya kuli nguwe, lyalo wakaba mutanjilili wabo. Pantu pomwi bakalinga basankwa mpashi myaanda yone.

Milimo ya Batumwi 17:5

Sombi baJuda bamwi bakanyumfwa munyono akuyungoola likoto lya basankwa bataalala mbobakalinga kucana munshila. Lyalo baJuda alimwi abasankwa abo bakatalika shimfulunganya mundabala inene yoonse. Bakaya bapwaya cisasa ca ŋanda yakwe Jasoni, kabayeeya ayi mpashi momuli Paulo aSailasi kwaamba ayi babakuushe muŋanda akubatola kubantu.

1 Samwelo 27:2

Mpeeke Defedi wakanyamuka abashilumamba bakwe abo bakalinga myaanda yosanwe amwaanda womwi akuya kuli Akishi mwanaakwe Maoki mwaami wa cishi ca Gati.

Boomboloshi 11:2

Gilyadi wakalinga kucite abamwi baana basankwa mbwaakashalila mumukaakwe mwiine. Baana abo ndibakakula, bakatanda Jefuta. Bakamwaambila ayi, “Taaku ca baishiwesu nceshi ukabweseewo na bakafwe mukwiinga webo uli mwaana wamuluundu.”