Biblia Todo Logo
Bib sou entènèt

- Piblisite -




Boomboloshi 10:6 - Baibo Busansulushi Bwa Libuku Ili

6 Mpeeke bene Isilaeli bakabisha alimwi pameenso aMwaami Lesa ceebo bakatalika kusebensela baBaali aba Ashitaloti. Bakasebensela abalesa ba kuSilya, Sidoni, Moabu, Amoni alimwi aba kuFilisitiya. Bakafutatila Mwaami Lesa akucileka kumusebensela.

Gade chapit la Kopi




Boomboloshi 10:6
32 Referans Kwoze  

Josiya wakanyonyoola shipaililo isho shakayaka Mwaami Solomoni kwicwe lya Jelusalemu kumalenge aKalundu ka Kunyonyoolwa, isho shakalinga kusebenseshekwa pakulambila shibumbwabumbwa shilensha bunya. Nkokwaamba ayi kulambila Ashitaloti lesa mwanakashi wa bene Sidoni, Kemoshi lesa wa bene Moabu, alimwi aMoleki lesa wa bene Amoni.


Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.


Pakalundu, kwicwe lya Jelusalemu wakayaka musena wakulambililawo Kemoshi lesa wa bene Moabu ulensha bunya amusena wakulambililawo Moleki lesa wa bene Amoni ulensha bunya.


Wakalinga kulambila Ashitaloti lesa mwanakashi wa bene Sidoni alimwi aMoleki lesa wa bene Amoni ulensha bunya.


Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.


Bakalinga kulambila shibumbwabumbwa shabo, uko kwakaba anga nkoose kuli mbabo.


Bakapwaya milawo yoonse ya Mwaami Lesa, Lesa wabo alimwi bakabumba bacende baana ba golodi ayi mbakulambila. Bakapanga acikoshanyo cakwe Ashela lesa mwanakashi, bakalinga kulambila nyenyeenshi akulambila Baali.


Mpomunyaawo bamaami ba bene Filisiti bakabungana pantu pomwi kwaamba ayi basekelele akubenga mulambu unene kuli Dagoni lesa wabo, ceebo bakalinga kwaamba ayi, “Ngulesa wesu waaba Samusoni mulwani wesu mumaanseesu.”


Wakabenga milambu kubalesa ba bene Damasikasi abo bakamukoma mukwiinga wakayeeya ayi, “Balesa ba bamaami bene Silya bacafwa bantu aba, aboobo ntoobenga milambu kuli mbabo kwaamba ayi anebo bancafweeko.” Sombi ici cakaleta mapensho pali nguwe apabene Isilaeli boonse.


Taakwe kubishabo mbuli mbwaakabisha Jeloboamu mwanaakwe Nebati, sombi lakwe wakaya amukweeba walutundu wiitwa ayi Jesebelo, mwaana mwanakashi wakwe Etibaala mwaami wa bene Sidoni. Lyalo wakatalika kusebensela Baali akumulambila.


Bakalibika muŋanda ya lesa wabo Dagoni pafwaafwi acibumbwabumbwa ca lesa uyo.


Ono bene Isilaeli bakabisha alimwi pameenso a Mwaami Lesa. Aboobo Mwaami Lesa wakabaaba mumaansa a bene Filisiti kwamyaaka makumi one.


Ono bene Isilaeli bakabisha alimwi pameenso a Mwaami Lesa. Aboobo Mwaami Lesa wakabaaba mumaansa a bene Midyani kwamyaaka yosanwe ayobilo.


Ciindi Eyudi ndyaakafwa, bene Isilaeli bakabisha pameenso a Mwaami Lesa alimwi.


Anu bene Isilaeli bakabisha pameenso a Mwaami Lesa, Lesa wabo. Bakamulubaako akutalika kulambila baBaali abaAshela.


“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.


Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.


Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.


Mucishi cabo mwakalinga amusa wa Gilyadi pantu pomwi aAshitaloti alimwi aEdileyi, ayo akalinga ngomandabala anene a mwaami Ogi wa kuBashani. Cishi coonse ici cakapekwa kumusa wa bamulunyungu lwakwe Makiya mwanaakwe Manase.


Mpeeke Jeya wakafwa akubikwa kuKamoni.


Koshiite acishi ico cakakupa Kemoshi lesa wako. Aswebo tunanooshiite aceeco cakatupa Mwaami Lesa, Lesa wesu.


Nyumfwa nsoni ondabala ya Sidoni! Ee, webo ondabala icite lilinga ya kulweenge ceebo lweenge lwaamba ayi, “Nebo nshikwe kunyonwawo kale lifumo alimwi nshikwe kushalaawo kale mwaana. Ncakwiila nshikwe kulelawo kale mwaana musankwa nabi mwanakashi.”


“ ‘Bene Silya bakalinga kucita makwebo andiwe ceebo ca shintu shiinji nshewakalinga kupanga. Bakalinga kuleta mabwe amakwebo eetwa ayi emalodi, shisani shifubelafubela, shisani shakatunga shakubotesha, nsalu shiteshimite, kolali amabwe amakwebo eetwa ayi lubi mukushintana amakwebo ako.


“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,


kutasumina nabibo kumunyumfwila. Kutamunyumfwila nkumbu nabi kuba aluse kuli nguwe alimwi kutamufunininaawo.


Gidyoni ndyaakafwa, bene Isilaeli bakacileka kulambila Mwaami Lesa akutalika kulambila baBaali. Bakasandula Baali Beliti kuba lesa wabo.


Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.


Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.


Swiv nou:

Piblisite


Piblisite