Boomboloshi 10:16 - Baibo Busansulushi Bwa Libuku Ili

¹⁶ Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.

Boomboloshi 10:16 Referans Kwoze

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Bene Ebulu 4:15

Tatucite Mupailishi Munene utakoonshi kutunyumfwila nkumbu mukulefuka kwesu. Mupailishi wesu wakasunkwa munshila shoonse bweenka mbotusunkwa. Sombi lakwe taakwe kubishaawo.

Bene Ebulu 3:10

Aboobo, ncendakakalalila bantu abo akwaamba ayi, ‘Lyoonse balakusha myoyo yabo kuli ndime, alimwi balakaka kukonkela milasho yangu lyoonse.’

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Luka 19:41

Lyalo Jesu ndyaakasena pafwaafwi akubona Jelusalemu, wakalila.

Luka 15:20

Mpomunyaawo wakanyamuka akuboolela kuli baishi. Kaacilibo palaale baishi bakamubona, mpeeke bakamunyumfwila nkumbu akumucicilila bamukumbata akumufyonta.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

2 Makani 33:15

Wakakusha balesa beensu akukusha cikoshanyo cakubesa muŊanda yakwe Lesa kubikaawo ashipaililo isho nshaakalinga wayaka pakalundu ka Ŋanda yakwe Lesa muJelusalemu. Lyalo shoonse wakashisowa kunsengwe lya ndabala.

2 Makani 15:8

Asa ndyaakanyumfwa kulaluka kwakwe Asaliya mwanaakwe Odedi, wakayuminishikwa. Wakanyonyoola shibumbwabumbwa shoonse sha mucishi ca Juda aca Benjameni kubikaawo ashibumbwabumbwa isho shakalinga mumandabala ayo ngwaakakoma mucishi ca tulundu ca Efuleemu. Wakayakulula cipaililo ca Mwaami Lesa ico cakalinga kunembo lya mwinjililo wa Ŋanda yakwe Lesa.

2 Makani 7:14

ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.

Joshuwa 24:23

Mpeeke Joshuwa wakaamba ayi, “Ono anu amusowe balesa beensu bali pakati kanu, akupa myoyo yanu kuMwaami Lesa, Lesa wa bene Isilaeli.”

Matalikilo 6:6

wakafwa nsoni kwaamba ayi wakalenga bantu akubabika pacishi ca panshi. Mpeeke cakamucisa abuumbi kumoyo.

Joni 11:34

Lyalo wakeepusha ayi, “Nkuli kucuumbwe nkomwakamubika?” Abalo bakakumbula ayi, “Nkambo nkuno kamwisa mubone.”

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”

1 Samwelo 12:10

Lyalo bakalilila Mwaami Lesa ayi abacaafwe akwaamba ayi, ‘Twakabisha mukwiinga twakafutatila ndimwe noBaami baLesa, akulambila shibumbwabumbwa shakwe Baali ashikoshanyo shakwe Ashitaloti. Amutufuune ono kubalwani besu. Lyalo tulaakunoolambilabo ndimwe!’

Kulumbaisha 73:21

Ndindakapenga amiyeeyo, moyo wangu ndiwakaciswa abuumbi,

Boomboloshi 2:18

Anu ciindi coonse Mwaami Lesa ncaakalinga kubapa moomboloshi, Mwaami Lesa wakalinga kumucafwa akufuna bene Isilaeli kubalwani babo ciindi coonse ca buumi bwa moomboloshi uyo. Mwaami Lesa wakalinga kubanyumfwila nkumbu ceebo bakalinga kutongela mumaansa a baabo bakalinga kubapensha akubalyatilila.

1 Samwelo 7:4

Mpomunyaawo bene Isilaeli bakasowa shibumbwabumbwa shakwe Baali ashikoshanyo shakwe Ashitaloti akutalika kulambilabo Mwaami Lesa eenka.

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.