Boomboloshi 1:15 - Baibo Busansulushi Bwa Libuku Ili

¹⁵ Mwanaakwe wakakumbula ayi, “Ndisuni lucafwo kuli ndimwe. Cishi ncemwakampa cili muluyanga lwakumalenge, ono amumpe atuntupu.” Aboobo Kalebu wakamupa tuntupu twa peculu atwa muunshi.

Boomboloshi 1:15 Referans Kwoze

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

Bene Ebulu 6:7

Lesa ulapa coolwe bulongo bwa mumuunda umo mulokela mfula liinji liinji akulengesha ayi mbewu sha balimi shicate shisepo shibotu shibaletela mpindu.

2 Bene Kolinto 9:5

Aboobo ndakayeeya ayi cilyeelete kusengesha bashominyineesu kwaamba ayi mbatanjishe kooko mukubamba shipo nshemwakashomesha. Lyalo ndyeshi cikaboneke ayi mulapa ceebo mulisuni, kuteshi kukakatishikwa.

1 Samwelo 25:27

Ono ndaseenga kwaamba ayi shipo ishi nemusebenshi wanu nshindaletela ndimwe, nobaami bangu, shipekwe kubashilumamba mbomuli abo.

1 Samwelo 25:18

Mpomunyaawo Abigelo wakafwambaana wabwesa shinkwa uli myaanda yobilo, nkomwe sha shipaya sha waini shobilo, nyama yakayokelwa limwi ya mbelele shosanwe, makilogilamu ali 17 a ciwaya, shisankata sha minyansa yakuyanika shili mwaanda, ashaampe sha nkuyu shakuyanika shili myaanda yobilo akushibika pambongolo.

Matalikilo 33:11

Ndaseenga mutambule cipo ncendamuletela. Lesa wakalinga kunyumfwila luse, aboobo wakampa shoonse nsheensuni mubuumi.” Jakobo wakatolelela kumusenga kushikila wakasumina.

Joshuwa 15:19

Mwanaakwe wakakumbula ayi, “Ndisuni lucafwo kuli ndimwe. Cishi ncemwakampa cili muluyanga lwakumalenge, ono amumpe atuntupu.” Aboobo Kalebu wakamupa tuntupu twa peculu atwa munshi.

Boomboloshi 1:14

Ono bushiku bwa bwiinga Otiniyelo wakaambila mukaakwe ayi asenge muunda kuli baishi. Ingayi mwanaakwe aseluke pambongolo, Kalebu wakeepusha ncaakalinga kusuni.

Boomboloshi 1:16

Ono bene Keni bamulunyungu lwa mupongoshi wakwe Mose bakaya abene Juda kuswa kuJeliko, ndabala ya tupukupuku. Bakaya muluyanga lwa Juda kumalenge kufwaafwi aAladi uko nkobakaya mukwikala abene Amaleki.