Bene Loma 8:2 - Baibo Busansulushi Bwa Libuku Ili

² Ceebo kweendeleshekwa aMushimu Usalashi uko kuleta buumi kwiinda muli Klistu Jesu, kwaŋangulula kumulawo wa bubi uyo uleta lufu.

Bene Loma 8:2 Referans Kwoze

Bene Loma 6:14

Nkokwaamba ayi tamweelete kusuminisha bubi ayi bumweendeleshe ceebo ceendelesha buumi bwanu teshi Milawo, sombi nduse lwakwe Lesa.

2 Bene Kolinto 3:17

Ono Mwaami nguMushimu, aboobo kulilabo kubete Mushimu wa Mwaami kuli lwaanguluko.

Bene Loma 6:18

Bulya mwakaangululwa munkusu sha bubi akuba basha ba bululami.

2 Bene Kolinto 3:6

Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

1 Bene Kolinto 15:45

Ceebo Malembo akwe Lesa alaamba ayi, “Adamu muntu mutaanshi wakalengwa ayi abe muumi.” Sombi Adamu mucaalishi nguMushimu upa buumi.

Joni 8:36

Aboobo na Mwaana wamwaangulula, ingayi mwaangululwa cancinencine.

Joni 8:32

Lyalo mulaakwishiba lushinisho, alwalo lushinisho ulo lulaakumwaangulula.”

Bene Loma 7:4

Mbocibete akuli ndimwe nobamakwesu. Kweelana amakani aMilawo mwebo mwakafwa akuba shipansha sha mubili wakwe Klistu, uyo wakabushikwa kuswa kubafu kwaamba ayi tusebensele Lesa milimo ibotu.

Bene Loma 6:22

Ono bulya mwakaangululwa kuswa kububi, muli basha bakwe Lesa. Mpindu yanu mbuumi bululeme ubo buletela buumi butamaani.

Joni 6:63

Cipa buumi nguMushimu Usalashi. Nkusu sha muntu mwiine taaku mboshibete napaceyi. Maswi ngondamulwiita alaleta Mushimu Usalashi upa buumi.

Joni 4:14

Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

Joni 4:10

Jesu wakakumbula ayi, “Newalinga kwishi cipo Lesa ncaapa akwishiba wooyo utookusenga maanshi, naakwiinga wamusenga maanshi apa buumi alakwe naakwiinga wakupa.”

Bene Galatiya 5:1

Klistu wakatwaangulula kwaamba ayi twaanguluke cancinencine. Anu amuyume kwaamba ayi mutakabooleli mubusha.

Bene Galatiya 2:19

Kweelana akukonkela Milawo, nebo ndifwite ceebo Milawo yeenka iyo yakancaya kwaamba ayi nsebensele Lesa amoyo wangu woonse.

Bene Loma 5:21

Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.

Bene Loma 7:21

Aboobo ndacana kwaamba ayi cicitika muli ndime na ntooyanda kucita cintu cibotu, nkusalabo bubi.

Kulumbaisha 51:12

Amumboosheshe kusangalala kwa lupulusho lwanu, akunengesha kuyanda kunoonyumfwila ndimwe.

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.

Bene Loma 3:27

Aboobo apa taapu nceenga walisumpwitaawo muntu, sobwe. Ceebo taalulamikwi pameenso akwe Lesa kwiinda mukukonkela Milawo, sombi ceebo cakushoma muli Jesu.

Ciyubululo 11:11

Ono ndipakeenda nshiku shotatwe amusa, muuya upa buumi wakaswa kuli Lesa akwinjila muli mbabo. Mpomunyaawo bakabuka, beemikana, lyalo boonse bakababona bakaloonda abuumbi.

Bene Loma 7:23

Sombi ndishi kwaamba ayi muli ndime muli mulawo uyo utasuni miyeeyo yangu. Mulawo umwi uyo ukonkela nshila ya bubi ngowalengesha ayi mbe musha wa bubi.

Bene Loma 8:1

Ono abo bashoma muli Jesu Klistu, Lesa taabapi mulandu.

Bene Loma 16:3

Amuŋanshileko Pulisila alimwi aAkwila basebenshima mumilimo yakwe Klistu Jesu

Bene Galatiya 6:2

Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.

Jemusi 1:25

Milawo yakwe Lesa ililuleme alimwi ilapa lwaanguluko. Uyo woonse wiilangilisha cakuyanda kwiiya akutolelela kucita bweenka ubo alimwi cakutaluba sheesho nshaanyumfwa, sombi kushikonkela, Lesa ulaakumupa coolwe mushintu shoonse nshaacita.

Esekelo 1:21

Na shilengwa isho sheenda, aalo nkweenda, na sheemikana aalo nkwiimikana. Na shanyamuka kuswa panshi aalo mawilo nkunyamuka ceebo shilengwa isho nsheshakalinga kwaaendelesha.