Bene Loma 3:4 - Baibo Busansulushi Bwa Libuku Ili

⁴ Napaceyuubo! Lesa ulashomeka nabi bantu boonse mbabeshi. Mbweeke bwaamba Malembo akwe Lesa ayi, “Kulilabo na waamba, bantu balyeelete kwishiba ayi nshalushinisho. Alimwi lyoonse ulyeelete kucanikwa ayi toocite mulandu pakukoombolosha.”

Bene Loma 3:4 Referans Kwoze

Kulumbaisha 51:4

Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

Kulumbaisha 116:11

Ndakalinga kushoma nabibo ndindakanyumfwa boowa akwaamba ayi, “Taaku muntu nabi womwi weenga washomeka.”

Bene Galatiya 2:17

Ono na swebo sotusuni kululamikwa kwiinda muli Klistu, twacanika ayi tuli bamucita shibi bweenka mbuli baswamashi bakunsengwe, sa nkokwaamba ayi nguKlistu utoolengesha ayi tubishe? Tau, napaceyuubo!

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Jobo 36:3

Lushibo lwangu lulaswa palaamfu, aboobo ntoosebensesha lushibo lwangu kutondesha ayi Lesa Mulengi wangu uliluleme.

Joni 3:33

Sombi muntu ushoma nshaamba ulashinisha ayi Lesa ngwalushinisho.

Kulumbaisha 119:160

Maswi anu oonse ngalushinisho, milawo yanu yoonse iluleme njamuyayaya.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Bene Loma 9:14

Ono sa inga twaamba ayi Lesa taaluleme? Sobwe, napaceyi.

Kulumbaisha 138:2

Ndaakufukama kunembo lya Ŋanda yanu isalalite. Ndaakulumbaisha liina lyanu ceebo ca lusuno lwanu lutamaani akushomeka kwanu. Ee, mukwiinga mwasumpula liina lyanu amaswi anu kwiinda shintu shimwi shoonse.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Kulumbaisha 100:5

Mwaami Lesa ngumubotu. Lusuno lwakwe ndwamuyayaya. Kushomeka kwakwe nkwalyoonse alyoonse.

1 Joni 5:10

Uyo woonse ushoma Mwanaakwe Lesa ulicite bukamboni ubu muli nguwe. Sombi uyo utashomi Lesa, ulapa Lesa bubeshi mukwiinga taakwe kushoma bukamboni Lesa mbwaakapa paMwanaakwe.

Bene Galatiya 2:21

Nshintookaka luse lwakwe Lesa. Ceebo muntu na inga walulamikwa pameenso akwe Lesa kwiinda muMilawo, nkokwaamba ayi Klistu taaku ncaakafwita.

Bene Loma 6:15

Ino ono cili buyani cikani ici? Sa tunoobishabo ceebo tatweendeleshekwi aMilawo, sombi aluse lwakwe Lesa? Kulaalebo!

Bene Loma 3:31

Ono sa ici cilaamba ayi Milawo teecite ncito nditutokwaamba ayi nkwiinda mulushomo? Napaceyuubo! Tutooyumyabo Milawo.

Mateyo 11:19

Ono MwanaaMuntu ndyaakesa kaalya akunwa, bantu bakaamba ayi, ‘Amubone ngumulyabi, ngucakolwa, ngushicibusa abeshikusonkesha alimwi abamucita shibi.’ Sombi busongo bwakwe Lesa bulaboneka ayi buliluleme kwiinda mumilimo ya mbubo.”

Jobo 40:8

Sa webo utookakatila kwaamba ayi nebo nshiluleme? Sa webo utoompa mulandu mukwaamba ayi webo uboneke kululama?

Bene Galatiya 6:14

Nebo nshikoonshi kulisumpula mucintu nabi comwi, sombi mumucilingano wa Mwaami wesu Jesu Klistu weenkabo. Mukwiinga kwiinda mumucilingano, shabuumi bwa buntu shakafwa kuli ndime alimwi anebo ndyaanga ngumuntu ufwite kuli nshisho.

Bene Loma 11:1

Ono ntoomwiipusha ayi, “Sa Lesa wakakaka bantu bakwe?” Napaceyi! Nebo ndimwine Isilaeli alimwi ndi wamulunyungu lwakwe Abulaamu, mumukowa wakwe Benjameni.

Kulumbaisha 62:9

Bakandu mboobubo anga ngumuuwo, abalo babile balibo anga ngumuuya wayoyekwa linkanda lyomwi. Na babikwa pacipimo taaku mbobalema, boonse pantu pomwi balyuubitebo anga ngumuuya wayoyekwa linkanda lyomwi.

2 Bene Kolinto 1:18

Bweenka Lesa mbwaashomeka, ncendakamulasha tecakalinga cakwaamba ayi, “Ee” nabi ayi, “Sobwe”.

Bene Loma 11:11

Ono ntoomwiipusha ayi, “Sa baJuda ndibakalisuntula bakawita limwi mulushomo?” Napaceyi! Mukwiinga baJuda bakabisha, baswamashi bakunsengwe bakacana lupulusho. Ici cakacitika kwaamba ayi baJuda banyumfwile munyono baswamashi bakunsengwe.

Bene Loma 7:7

Ino ono twaambe buyani? Sa twaambe ayi Milawo njibiibi? Sobwe, tabwishi mbocibete ubo! Sombi njiMilawo yakalengesha ayi nshibe bubi. Nikuteshi Milawo yaamba ayi, “Utabi amunyono pashintu sha mubyo”, naakwiinga nshishibiiwo lunkumbwa lwa mushobo uyu.

Bene Loma 6:2

Sobwe napaceyi! Kweelana amakani abubi swebo twakafwa, ono inga twatolelela buyani kwikala mububi?

Luka 20:16

Ulaakwisa mukucaya balimi abo akupa bamwi muunda uyo.” Bantu ndibakanyumfwa boobo bakaamba ayi, “Citakacitiki!”

Bene Loma 7:13

Sa ici cilaamba ayi cintu cibotu ici ncecakanengesha ayi mfwe? Sobwe! Sombi mbubi bwakalengesha kwiinda mukusebensesha cintu cibotu ico kwaamba ayi bubi buboneke mbuli mbobubete. Aboobo kwiinda muMilawo bubi bulabicila limwi.

1 Bene Kolinto 6:15

Mwebo mulishi kwaamba ayi mibili yanu nshipansha sha mubili wakwe Jesu Klistu. Ono sa inga ndabwesa cipansha ca mubili wakwe Jesu akucipaankanya amufuule? Napaceyuubo.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.