Bene Loma 3:2 - Baibo Busansulushi Bwa Libuku Ili

² Muli mpindu inene abuumbi ceebo Lesa wakataanguna kupa baJuda makani akwe kwaamba ayi baalaame.

Bene Loma 3:2 Referans Kwoze

Bene Loma 9:4

Aba mbene Isilaeli abo Lesa mbaakasala ayi babe bana bakwe akubabonesha bulemu bwakwe. Lesa wakapanganaabo shipangano alimwi akubapa Milawo. Wakabeeisha mbobeelete kumulambila akubalasha shintu nsheshi akabacitile.

Milimo ya Batumwi 7:38

Ngowooyo wakalinga abene Isilaeli ndibakabungana muluyanga. Ngowakalinga abamashali besu bakulukulu alimwi amunjelo wakalinga kwaamba anguwe paKalundu ka Sinayi. Ncakwiila ngowakatambula maswi abuumi ayi atulwiite.

Bene Ebulu 5:12

Nakubi kwaamba ayi bulya mwalinga kweelete kunooli kale bafundishi, muciyandika umwi shikumwiisha shiiyo shitaanshi sha makani akwe Lesa. Ciindi cakwaamba ayi munoolya shakulya shiyumuyumu, muceeletebo kunwa mukupa.

1 Bene Kolinto 9:17

Nendakaliyandila kucita mulimo uyu, naakwiinga kaanangila kutambula cilambu. Ono mukwiinga nshikwe kuliyandila, ndasebensabo ceebo Lesa ngowakantuma.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

Ciyubululo 22:6

Mpomunyaawo munjelo wakaŋambila ayi, “Maswi aya ngancinencine alimwi alyeelete kushomwa. Mwaami Lesa uyo upa Mushimu Usalashi kubalaluki, watuma munjelo wakwe ayi aboneshe basebenshi bakwe isho sheshi shikacitike onoono.”

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

1 Timoti 6:20

Webo Timoti, kolama kabotu shoonse nshewakapekwa ayi ulame. Swa kumibandi italeti bulemu kuli Lesa alimwi akukupikishanya kwabuluya uko bantu nkobaamba cakubeca ayi ndushibo.

Bene Galatiya 2:7

Sombi bakabona ayi Lesa wakampa mulimo wa kushimikila Makani Abotu kubaswamashi bakunsengwe bweenka mbwaakapa Pita mulimo wa kushimikila baJuda.

2 Bene Kolinto 5:19

Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.

Bene Loma 3:3

Ono na bamwi pakati kabo tabakwe kushomeka, sa kutashomeka kwabo inga kwalengesha Lesa alakwe kutashomeka?

Bene Loma 2:18

Ulishi kuyanda kwakwe Lesa alimwi ceebo wakeeishikwa muMilawo, aboobo ulishi bwakusala shintu shibotu.

Bene Loma 1:2

Makani Abotu aya akaambilishikwa aLesa kale kale kwiinda mubalaluki bakwe bakulukulu, abo bakalemba Malembo akwe Asalalite.

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Kulumbaisha 119:140

Kushomesha kwanu nkwalushinisho, alimwi ncenkusunini nemusebenshi wanu.

Bene Loma 3:1

Sa mutooyeeya ayi baJuda kuli mbobeendawo baswamashi bakunsengwe? Mbubotunshi buli mukupalulwa?