Bene Loma 1:9 - Baibo Busansulushi Bwa Libuku Ili

⁹ Lesa uyo ngoonsebensela amoyo woonse kwiinda mukushimikila Makani Abotu aamba shaMwanaakwe, ngukamboni wangu ayi ico ncentokwaamba ncalushinisho. Ulishi alimwi kwaamba ayi ndamuyeeya lyoonse

Bene Loma 1:9 Referans Kwoze

Bene Efeso 6:18

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

2 Timoti 1:3

Ndalumba Lesa uyo ngoonsebensela amiyeeyo iluleme bweenka bwakalinga kucita bamashali bangu basankwa bakulukulu. Ndamulumba lyoonse ndinkuyeeya mumipailo yangu mashiku amalumwi.

Bene Loma 9:1

Nshentokwaamba nshalushinisho alimwi nshibeci ceebo ndi wakwe Jesu Klistu. Moyo wangu, uyo weendeleshekwa aMushimu Usalashi, awalo ulandwiita ayi nshintoobeca

1 Bene Tesalonika 5:17

Amupaile kuli Lesa lyoonse.

2 Bene Kolinto 1:23

Lesa ulishi kwaamba ayi nshibeci. Ncakwiila nceentakwe kwishita kuKolinto nkwaamba ayi ntamupeenshi alimwi.

1 Bene Tesalonika 3:10

Malumwi amashiku tulamusenga camoyo woonse kwaamba ayi atusuminishe kubonanaawo amwebo alimwi. Tulisuni kumupa sheesho nshemutana kubaasho mulushomo lwanu.

1 Bene Tesalonika 1:2

Tulalumba Lesa lyoonse ceebo canu noonse alimwi lyoonse tulamwiibaluka mumipailo yesu.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Filipi 1:4

Mumipailo yangu yoonse njeemupaililaako, ndalumba Lesa akusangalala

Milimo ya Batumwi 27:23

Mukwiinga mashiku Lesa uyo unyeendelesha alimwi ngoonambila, watuma munjelo wakwe kuli ndime.

Milimo ya Batumwi 19:21

Ndishakamana kucitika shoonse ishi, Paulo wakayeeya kuya kuJelusalemu, kwiinda kuMakedoniya akuAkeya. Wakaamba ayi, “Na nkaswe kuJelusalemu, ndyeelete kuya akuLoma.”

1 Timoti 2:7

Nceceeco alimwi ncaakampeta butumwi abufundishi bwa kubaswamashi bakunsengwe kwaamba ayi nshimikile Makani Abotu a lushomo alushinisho. Nshintoobeca, ntokwaamba lushinisho.

Bene Filipi 2:22

Mwebo noonse mulishi kale bubotu bwa milimo yakwe Timoti, mbuli mbondakasebensaakwe anga ngumwaana abaishi pakushimikila Makani Abotu.

Bene Galatiya 1:20

Ntoomulwiita calushinisho pameenso akwe Lesa ayi makani ayo ngontoomulembela ngancinencine.

2 Bene Kolinto 11:31

Lesa alimwi Ishi Mwaami wesu Jesu, uyo weelete kulumbaishikwa lyoonse alyoonse, ulishi ayi nshintoobeca.

Milimo ya Batumwi 24:14

Sombi ntoosumina pameenso anu ayi ndalambila Lesa wakalinga kulambila bamashali besu bakulukulu kwiinda mukushoma Nshila njebaamba ayi njakubeca. Ndashoma ashoonse shilembetwe muMilawo yakwe Mose alimwi amabuku a balaluki bakulukulu.

Milimo ya Batumwi 12:5

Aboobo bakatolelela kulama Pita muntolongo. Sombi bantu ba mucoonde bakalinga kumupailila cankusu kuli Lesa.

Milimo ya Batumwi 3:26

Aboobo Lesa wakasala musebenshi wakwe akutaanguna kumutuma kuli ndimwe kwaamba ayi amupe coolwe mukulengesha ayi noonse womwi awomwi musanduke kuswa kushibiibi shanu.”

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Maako 1:1

Aya ngomatalikilo a Makani Abotu aamba pali Jesu Klistu, Mwanaakwe Lesa.

Jobo 16:19

Kwiculu ndishi kwaamba ayi nkwaali kamboni wangu, ee, shikunjimikaninaako nkwaali uko.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

Filimoni 1:4

Ndalumba Lesa wangu lyoonse ndinkuyeeya mumipailo yangu

Bene Filipi 1:3

Ndalumba Lesa wangu lyoonse ndyeemuyeeya.