Bene Loma 1:11 - Baibo Busansulushi Bwa Libuku Ili

¹¹ Ceebo ndisunishi ayi tukabonane kwaamba ayi nkabaanaanu bubotu ubo Lesa mbwaapa kwiinda muMushimu wakwe alimwi akumuyumyayumya.

Bene Loma 1:11 Referans Kwoze

2 Pita 1:12

Aboobo teshi nkacilekeewo kumwiibalusha makani aya lyoonse nakubi kwaamba ayi mulyeeshi kale alimwi ayi mulashoma amoyo woonse mulushinisho ndomwakatambula.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

2 Bene Tesalonika 3:3

Sombi Lesa ulashomeka, aboobo utoomuyumyayumya akumufuna kuswa kuMubiibi ulya.

Bene Loma 15:29

Ndishi kwaamba ayi ndaakwisa uko, ndaakumuletela amwebo shoolwe shiswite shiswa kuli Klistu.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

2 Bene Tesalonika 2:17

aayumyeyumye myoyo yanu kwaamba ayi lyoonse kamwaamba akucita shiluleme.

Milimo ya Batumwi 19:6

Lyalo Paulo wakabika maansaakwe pali mbabo, mpeeke Mushimu Usalashi wakesa paboonse, bakatalika kwaamba mumishobo yeensu akushimikila makani akwe Lesa.

Milimo ya Batumwi 16:5

Lyalo bantu ba mushoonde bakayuma mulushomo alimwi bakalinga kufulilaako bushiku abushiku.

2 Makani 20:20

Macuunsacuunsa bushiku bwakaboolaawo bantu bakaya kuLuyanga lwa Tekowa. Ndibakalinga kutalika kweenda, Jeoshafati wakaamba ayi, “Nobene Juda abene Jelusalemu! Amucinke manungo muMwaami Lesa, Lesa wanu, mulaakwiimikanabo nta. Kamushoma shimulwiita balaluki, mulanooswitilila.”

1 Bene Tesalonika 3:13

Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.

1 Bene Tesalonika 3:2

Twakatuma Timoti mukwabesu muli Klistu, uyo ngotuli akwe pantu pomwi mumulimo wakwe Lesa wakushimikila Makani Abotu aamba pali Klistu. Twakamutuma kwaamba ayi ese amuyumyeyumye akushimpya lushomo lwanu,

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

Bene Filipi 2:26

Ono wamuyeeya abuumbi noonse alimwi wapenshekwa mumoyo mukwiinga mwakanyumfwa ayi wakalinga mulwashi.

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

2 Bene Kolinto 9:14

Aboobo bananoomupailila calusuno lwiine lwiine ceebo ca luse lwiindaawo Lesa ndwaamutondesha.

2 Bene Kolinto 1:21

Lesa ngowakatulengesha kwaamba ayi swebo amwebo tube bayumu muli Klistu. Peculu lya waawo ngowakatutuma,

Bene Loma 15:32

Kuswawaawo na nkuyanda kwakwe Lesa, kufwakasha kwangu kuli ndimwe kulaakunkondelesha alimwi ndaakookesha kabotu.

Bene Loma 15:23

Kwamyaaka iinji ndalinga kusuni kwisa kooko. Ono mukwiinga bulya ndamanisha milimo mumisena ya kokuno nkoombete,

Milimo ya Batumwi 19:21

Ndishakamana kucitika shoonse ishi, Paulo wakayeeya kuya kuJelusalemu, kwiinda kuMakedoniya akuAkeya. Wakaamba ayi, “Na nkaswe kuJelusalemu, ndyeelete kuya akuLoma.”

2 Samwelo 13:39

Mpeeke mwaami Defedi wakamuyeeya abuumbi kumubonaawo mwanaakwe alimwi, mukwiinga ciindi ico wakalinga kulubitelubiteeko shalufu lwakwe Amunoni.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

2 Samwelo 23:15

Ono Defedi wakafwa nyotwa akwaamba ayi, “Kubota muntu waya wakuletelawo maanshi akunwa kumukalo uli kufwaafwi amwinjililo wa ndabala ya Betileemu.”

Matalikilo 31:30

Ndishi kwaamba ayi wakanyamuka mukwiinga wakalinga kunyumfwite kalyokolyoko ka kuyanda kuboolela kumishaanu, ono wakeepilanshi balesa ba muŋanda yangu?”

Bene Loma 1:12

Cinene ncakwaamba ayi nebo amwebo tukayuminishanye mulushomo ndotucite. Nkokwaamba ayi mulaakuyuma kwiinda mulushomo lwangu anebo kwiinda mulushomo lwanu.

2 Bene Kolinto 1:15

Ceebo cakushoma boobo, ndakalinga kuyeeya kwaamba ayi ntaangune kufwakashisha ndimwe ayi mukapekwe shoolwe mankanda obilo.