Bene Lefi 9:7 - Baibo Busansulushi Bwa Libuku Ili

⁷ Kuswawaawo wakaambila Aloni ayi, “Koya kucipaililo ukabenge mulambu wakulekelelwa shibiibi alimwi amulambu wakutenta ayi milambu iyo ikushe shibiibi shako ashibiibi sha bantu boonse. Benga mulambu uyu ayi shibiibi sha bantu shikushikwe, bweenka bwakaamba Mwaami Lesa.”

Bene Lefi 9:7 Referans Kwoze

Bene Ebulu 5:3

Alimwi mukwiinga alakwe ulilefukite, teelete kubenga milambu ya banyama kuli Lesa ceebo ca shibiibi sha bantu bamwi beenka, sombi ashibiibi shakwe mwiine.

Bene Ebulu 5:1

Mupailishi munene uli woonse ulasalwa pakati ka bantu bene mishaabo akubikwa ayi anobeemikanina kuli Lesa. Mulimo wakwe ngwakupa shipo sha banyama alimwi ashipo shimwi shoonse kuli Lesa kwaamba ayi shibiibi sha bantu shilekelelwe.

Bene Ebulu 9:7

Sombi mupailishi munene eenkabo ngowakalinga kwinjila mucipinda ca mukati alimwi ndinkanda lyomwibo pamwaaka. Wakalinga kwinjila abulowa ubo mbwaakalinga kupa kuli Lesa ceebo ca shibiibi shakwe mwiine alimwi asha bantu isho nshebakacita kabateshi.

Bene Lefi 4:3

“Na ngumupailishi munene wabisha, akuleta mulandu pabantu, ulyeelete kuleta kuli ndime neMwaami Lesa mucende mwaana utacite kampenda kali koonse, alimwi akumubenga ayi ngumulambu wakulekelelwa shibiibi shakwe.

1 Samwelo 3:14

Aboobo ndakashomesha cakulumbila kubamuŋanda yakwe Eli ayi taaku mulambu nabi cipo ceshi cikakonshe kumana mulandu wa cibiibi ciyoosha ca mushobo uyu.”

Bene Lefi 9:2

Wakaambila Aloni ayi, “Ubwese mucende mwaana alimwi ambelele isankwa shoonse shobilo shitacite kampenda kali koonse akushibenga kuMwaami Lesa. Mucende mwaana ngwamulambu wakulekelelwa shibiibi, mbelele isankwa njamulambu wakutenta.

Bene Lefi 8:34

Mwaami Lesa ngowakatulwiita ayi tucite ceeci ncetwacita sunu, kwaamba ayi tukushe shibiibi shanu.

Bene Lefi 16:6

Mpeeke ulaakubenga mucende ayi ngumulambu wakukusha shibiibi shakwe alimwi asha bamuŋanda yakwe.

Bene Lefi 16:11

“Na Aloni akabenge mucende ayi ngumulambu wakulekelelwa shibiibi shakwe alimwi asha bamuŋanda yakwe,

Bene Lefi 16:24

Ulyeelete kusambila mumusena usalalite akufwala shakufwala shinekwe. Na akamanishe, ulaakuswa akuya mukubenga mulambu wakutenta ayi akushe shibiibi shakwe mwiine alimwi awakukusha shibiibi sha bene Isilaeli.