Bene Lefi 8:30 - Baibo Busansulushi Bwa Libuku Ili

³⁰ Kuswawaawo Mose wakabwesa mafuta akunanika alimwi abulowa bumwi bwakalinga pacipaililo, akubusanseela pali Aloni, bana bakwe basankwa alimwi apashakufwala shabo boonse. Munshila iyo wakabenga mbabo alimwi ashakufwala shabo kuMwaami Lesa.

Bene Lefi 8:30 Referans Kwoze

Shakubelenga 3:3

Bakananikwa akubikwa pabupailishi.

Kulonga 30:30

Kuswawaawo ukananike Aloni alimwi abana bakwe basankwa, akubabika pabupailishi bwakunoonsebensela.

Kulonga 29:21

Lyalo ukabwese bulowa bumwi buli pacipaililo amafuta a olifi amwi akusanseela pali Aloni ashakufwala shakwe, alimwi apabana bakwe basankwa ashakufwala shabo. Mpeeke Aloni, bana bakwe alimwi ashakufwala shabo, shilaakubengwa kuli ndime.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

Bene Ebulu 2:11

Ulasalasha myoyo ya bantu kuswa kushibiibi shabo alimwi lakwe abaabo basalashikwa, boonse balaba aIshiwabo womwi. Nceceeco Jesu ncaatanyumfwili nsoni kubeeta ayi bamakwabo.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Kulonga 28:2

Mukwanu Aloni akatungilwe shakufwala sha bupailishi, isho sheenga shamuletela bulemu alimwi abubotu.

Bene Lefi 7:36

Pabushiku ubo, Mwaami Lesa wakaambila bene Isilaeli ayi banoopa bapailishi cipansha ici ca mulambu. Uyu ngumulawo bene Isilaeli ngobeelete kunookonkela lyoonsebo.

Bene Lefi 7:35

Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi.

Bene Lefi 8:12

Lyalo wakabika Aloni pabupailishi kwiinda mukumutila mafuta akunanika amwi pamutwi.