Bene Lefi 8:15 - Baibo Busansulushi Bwa Libuku Ili

¹⁵ Mose wakacaya mucende uyo, wabwesa bulowa bumwi akusebensesha munwe wakwe pakunanika kumeeca a mumakonko one a cipaililo, kwaamba ayi acibenge kuMwaami Lesa. Bulowa bumwi boonse wakabutila panshi lya cipaililo. Munshila iyi wakacibenga alimwi akucisalasha.

Bene Lefi 8:15 Referans Kwoze

Bene Lefi 4:7

Kuswawaawo, ulaakubika bulowa bumwi pameeca a mumakonko oonse a cipaililo ca tununkila kabotu cili kunembo lyangu neMwaami Lesa muTente. Lyalo bulowa boonse bweshi bukacaaleewo ulaakubutila panshi pacipaililo cakutentelawo milambu, ico cili pamulyango wa Tente.

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

Bene Efeso 2:16

Klistu wakafwa pamucilingano ayi amanishe lupato lwakalingaawo pakati ka mishobo yobilo ilya ayi apange mubili womwi. Mukucita boobo, wakababoosha pantu pomwi aLesa.

Bene Loma 5:10

Twakalinga balwani bakwe Lesa, sombi wakatucita kwaamba ayi tube beshicibusanyina kwiinda mulufu lwa Mwanaakwe. Ono mbotuli beshicibusanyina, tulishinishite kwaamba ayi ulaakutupulusha ceebo ngumuumi.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Esekelo 45:20

Pabushiku bwasanu ashobilo bwa mweenshi mulyeelete kucita bweenka ubo kucitila baabo boonse babisha cakuteshiba nabi mukubula lushibo. Munshila iyo mulaakunoosalasha Ŋanda yangu.

2 Makani 29:24

Lyalo bapailishi bakacaya mpongo isho akutila bulowa bwa nshisho pacipaililo ayi ngumulambu wakulekelelwa shibiibi sha bantu boonse. Bakacita boobo mukwiinga mwaami wakaambilisha ayi bene Isilaeli boonse babengelwe milambu yakutenta alimwi ayakulekelelwa shibiibi.

Bene Lefi 16:20

“Ono na Aloni wamanisha kucita kweelana aMilawo pakusalasha Musena Usalalite Wiindaawo, Tente yoonse ya Cipangano, alimwi acipaililo, mpongo yuumi yasalwa kuba yakwe Asaselo, shikaswa, ulaakwiileta kunembo lyangu neMwaami Lesa.

Bene Lefi 6:30

Sombi na bulowa bwa munyama umwi bwaletwa muTente ya Cipangano akusebenseshekwa mukukusha shibiibi muMusena Usalalite, munyama uyo teelete kulikwa, sombi ulyeelete kutentwa.”

Bene Lefi 4:30

Kuswawaawo, mupailishi ulaakusumpa munwe wakwe mubulowa bwa munyama uyu, akububika pameeca a mumakonko oonse a cipaililo. Bulowa boonse bweshi bukacaaleewo, ulaakubutila panshi pacipaililo.

Bene Lefi 3:8

ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo.

Bene Lefi 3:2

Muntu uyo ulaakubika maansaakwe pamutwi wa munyama akumucaila pamulyango wa Tente ya Cipangano. Kuswawaawo bana bakwe Aloni bapailishi balaakusanseela bulowa mumbasu shoonse shone sha cipaililo.

Bene Lefi 1:11

Ulyeelete kwiicaila kumatwa lya cipaililo kunembo lya Mwaami Lesa. Mpeeke bapailishi balaakusanseela bulowa bwa njiyo kumbasu shoonse shone sha cipaililo.

Bene Lefi 1:5

Lyalo ulaakucaya mucende uyo apo kunembo lyangu neMwaami Lesa. Mpeeke bana bakwe Aloni bapailishi balaakusanseela bulowa mumbasu shoonse shone sha cipaililo cili pamulyango wa Tente.

Bene Lefi 4:25

Lyalo mupailishi ulaakusumpa munwe wakwe mubulowa bwa munyama uyo, akububika pameeca a mumakonko oonse a cipaililo. Bulowa boonse bweshi bukacaaleewo, ulaakubutila panshi pacipaililo.

Shakubelenga 8:12

“Bene Lefi balo balyeelete kubika maansaabo pamitwi ya bacende bobilo. Mucende umwi akabengwe kuli ndime neMwaami Lesa ayi ngumulambu wakulekelelwa shibiibi, alakwe umwi ayi ngumulambu wakutenta mukusalasha bene Lefi kweelana amulawo.