Bene Lefi 6:12 - Baibo Busansulushi Bwa Libuku Ili

¹² Mulilo pacipaililo ulyeelete kunoonyakabo, taweelete kushimika sobwe. Lyoonse macuunsa, mupailishi ulyeelete kubikawo nkuni, kubikawo mulambu wakutenta alimwi akutenta mafuta a mulambu wa bwanabwankashi.

Bene Lefi 6:12 Referans Kwoze

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Neyemiya 13:31

Ndakabamba shakuleta nkuni paciindi ceelete shakusebensesha pakutenta milambu alimwi akwaambila bantu kunooleta nsomo sha shili anga ngamaila ansoomo sha shisepo. NobaLesa bangu, kamunjibaluka akunoonyumfwila nkumbu.

Bene Ebulu 10:27

Sombi cacaala nkunoolindilabo koomboloshekwa kutoosa caboowa alimwi akunoolindila mulilo uloondesha weshi ukanyonyoole balwani bakwe Lesa!

Bene Lefi 6:9

“Lwiita Aloni alimwi abana bakwe ayi iyi njimilawo ya milambu yakutenta. Mulambu wakutenta ulyeelete kucaala pacipaililo mashiku oonse, awalo mulilo ulyeelete kubucesha koonyaka.

Bene Lefi 6:11

Kuswawaawo ulaakufwala shakufwala shimwi akukusha milota iyo pansengwe lya misumba akwiitola kumusena usalalite kweelana amilawo.

Bene Lefi 6:13

Anu mulilo ulyeelete kunoonyakabo lyoonse pacipaililo, taweelete kushimika, sobwe.

Esekelo 40:46

Cipinda cilangite kumalenge nca bapailishi basebensela kucipaililo. Bapailishi boonse mbamulunyungu lwakwe Sadoki. Aba mbobantu beenkabo mumukowa wakwe Lefi basuminishikwa kusebensela Mwaami Lesa muŊanda yakwe.”