Bene Lefi 26:7 - Baibo Busansulushi Bwa Libuku Ili

⁷ Mwebo mulaakukoma balwani banu boonse.

Bene Lefi 26:7 Referans Kwoze

Bene Lefi 26:6

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Bene Lefi 26:8

Bantu bosanwe bamulikoto lyanu balaakukonsha kukoma bali mwaanda, abalo bamulikoto lyanu bali mwaanda balaakukonsha kukoma bali shuulu likumi.

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

Esita 9:16

Muciindi ico ceenka baJuda bamwi abo bakalinga mushipansha shimwi sha cishi ca mwaami Sakisesi abalo bakabungana kwaamba ayi balitabilile. Mpeeke bakacaya balwani babo bali 75,000, sombi tabakwe kusaalawo buboni bwabo.

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Dutolonomi 28:7

“Mwaami Lesa ulaakulengesha ayi balwani banu mukanoobakoma. Pakwisa mukumulwana balaakuswa lubasu lomwi, sombi pakumucica balaakumwaikabo.

Joshuwa 23:10

Womwibo ndondoli pakati kanu ulakonsha kutanda bantu bali cuulu mukwiinga nguMwaami Lesa, Lesa wanu umulwaninaako kweelana ambwaakashomesha.

Boomboloshi 4:16

Balaki lakwe wakatandaanya bashilumamba balwanina mushikoci abashilumamba bamwi boonse kuya mukushika kuAlosheti Agoyimu. Bashilumamba bakwe Sisela bakacaikwa boonse cakwaamba ayi taaku wakacaala.

Boomboloshi 7:23

Lyalo bamumukowa wakwe Nafutali, Asha, abene Manase boonse bakeetwa kwaamba ayi batandaanye bene Midyani.

Boomboloshi 15:15

Lyalo wakabwesa mubanga wa mbongolo yakafwa coonoono akucaishako bantu bali 1,000.

1 Samwelo 14:13

Jonasani wakatanta kaya cikalaba kuswa mumwinjililo umo, cikula bwangu alakwe pesule. Jonasani wakalwana bene Filisiti akunoobooma kabawa, cikula bwangu kaabasaulula.

1 Makani 19:15

Lyalo bene Amoni ndibakabona ayi bene Silya bacica, abalo bakacica kuloonda Abishayi akwinjila mundabala inene iyo. Lyalo Joabu wakaboolela kuJelusalemu.

Kulumbaisha 81:15

Uyo woonse umpatite inga wafukama caboowa pameenso angu. Mulandu wabo inga watolelela kwalyoonse alyoonse.