Bene Lefi 26:19 - Baibo Busansulushi Bwa Libuku Ili

¹⁹ Ndaakumana cimpamya canu cakulisumpula, teshi kukabewo mfula. Aboobo cishi canu cilaakuboolabo nta anga nceela ca nshimbi.

Bene Lefi 26:19 Referans Kwoze

Dutolonomi 28:23

Teshi kukaloke mfula, mpeeke panshi palaakuboolabo nta, anga nceela.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Luka 4:25

“Ono amunyumfwe, kwakalinga bamukalubinje banakashi baanji mulya muIsilaeli munshiku shakwe Elija mulaluki mukulukulu, ndikwakabula mfula myaaka yotatwe amyeenshi yosanwe awomwi, kwakaba nsala inene mucishi coonse.

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Esekelo 30:6

Mwaami Lesa waamba ayi, “Boonse abo bacafwana abene Ijipiti munkondo balaakucaikwa ashalo nkusu nshaalisumpwitaawo shilaakumana. Bantu balaakufwa munkondo kuswabo kundabala ya Migidolu kumatwa kuya mukushika kundabala ya Aswani kumalenge. Nebo neMwaami Lesa Shinkusu shoonse ndaamba.

Jelemiya 13:9

“Nebo neMwaami Lesa ndaamba ayi, ‘Munshila njemunya iyi mbweshi nkanyonyoole kulisumpula kunene kwa bene Juda akwa bene Jelusalemu.

Isaya 25:11

Balaakutandabika maansaabo anga ngumuntu utooyanda kusamba njabwe. Sombi Lesa ulaakumana kulisumpula kwabo nakubi kwaamba ayi balacita shabucenjeshi.

1 Samwelo 4:11

Libokoshi lya Cipangano ca Mwaami Lesa lyakacatwa, bana bakwe Eli basankwa, Ofini aFineyasi bakacaikwa boonse bobilo.

Esekelo 7:24

Ndaakuleta mishobo iindaawo kubica kwisa mukubwesa maandaanu. Ndaakumanisha kulisumpula kwa beshinkusu alimwi amisena yanu isalalite ilaakubishikwa.

Isaya 26:5

Abo balinaamuna ulababoosha panshi. Ndabala yabo uleenyonyoola. Lilinga lya njiyo ulalikuloola cakubabo lusuko.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

1 Samwelo 4:3

Bene Isilaeli bakapuluka ndibakaboola pamisumba yabo bamaloba bakaamba ayi, “Ceebonshi Mwaami Lesa wasuminisha bene Filisiti kutukoma? Tiya tukalete Libokoshi lya Cipangano ca Mwaami Lesa kuswa kuShilo kwaamba ayi tuye akwe akatupulushe kubalwani besu.”

1 Baami 8:35

“Na mfuula mweecata ceebo bantu banu bamubishisha, ono na basanduka kuswa kushibiibi shabo akulanga kuŊanda yanu alimwi bapaila cakulibombya kuli ndimwe,

Isaya 28:1

Mapensho kubwaami bwa bene Efuleemu balisumpula alimwi bacakolwa! Bulemu bwabo butooya cimanabo anga ngumubala wa liluba litooya bunyana. Ee, mapensho kundabala ya Samaliya ilya ili mucinyika ca mboleshi, ndabala yabooshekwa panshi ceebo ca bacakolwa.

Jelemiya 3:3

Paceebo ceeco mfula ya tepetepe yakacatwa, ee, imfula yakupisha shishango teekwe kulokaawo. Nakubi boobo mwebo mulibo nta mubufuule, ncakwiila cakutanyumfwaawo ansooni napaceyi.

Esekelo 24:21

‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.

Dutolonomi 11:17

Na mukacite boobo, Mwaami Lesa ulaakumukalalila. Ulaakucata mfula, lyalo inshi ilaakuyuma cakutamena shishango. Mpeeke mulaakufwa cakufwambaana mweenka umo mucishi cibotu ncaatoomupa.

Esekelo 33:28

Ndaakusandula cishi kuba luyanga ankusu nshebalinga kulisumpwitaawo shilaakubamana. Atwalo tulundu twa muIsilaeli tulaakucaalabo tuu cakwaamba ayi taaku muntu eshi akanokwiindaamo.