Bene Lefi 26:13 - Baibo Busansulushi Bwa Libuku Ili

¹³ Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”

Bene Lefi 26:13 Referans Kwoze

Esekelo 34:27

Shisamu sha mumyuunda yabo shilaakucata shisepo abwalo bulongo bulaakukusha shishango. Bantu balaakwikala kwakubula cakulisukama mucishi cabo. Ndaakutyola lijoko lyabo akubakusha mumaansa abaabo bakalinga babatola busha. Lyalo ndyeshi bakeshibe ayi nebo ndi Mwaami Lesa.

Kulumbaisha 116:16

NoBaami baLesa ndushinisho ndi musebenshi wanu. Ndi mwaana wa mwanakashi musebenshi wanu ushomeka. Mwakaŋangulula kuswa muncetani sha lufu.

Bene Lefi 25:38

Uyu ngumulawo kuswa kuli ndime neMwaami Lesa wanu, uyo wakamukusha mucishi ca Ijipiti ayi akamupe cishi ca Kenani alimwi akuba Lesa wanu.

Kulonga 20:2

“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Bene Lefi 25:55

mukwiinga bene Isilaeli mbasha bangu neMwaami Lesa. Ndime ndakabakusha mucishi ca Ijipiti alimwi ndi Mwaami Lesa, Lesa wabo.”

Isaya 51:23

Nkomeshi iyo ndaakwiipa baabo balinga kumupensha. Ee, abo bakalinga kumwaambila ayi, ‘Amoone akutandabala apa kwaamba ayi tunooya cilyata peculu.’ Ncakwiila misana yanu njeyakaba nje nshi, ee, yakaba anga ngomukwakwa wakwiindaawo.”

Bene Lefi 25:42

Anu bene Isilaeli mbasha bangu neMwaami Lesa, nebo nendakabakusha mucishi ca Ijipiti. Paceebo ceeci tabeelete kuulishikwa ayi babe basha.

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Esekelo 30:18

MuTapanesi mulaakuboolabo mbi ndaakunyaya nkusu cishi ca Ijipiti, akumanisha nkusu nshebakalinga kulisumpwitaawo. Cilaakufweekeleshekwa amakumbi, abalo bamumishi ya ncico balaakutolwa mubusha.

Osiya 11:4

Ndakabatanjilila antaambo ya nkumbu, ee, kubatanjilila antaambo ya lusuno. Ndakabaangulula lijoko kuswa munshingo shabo akukotama ayi mbasanine.

Kulonga 14:8

Mwaami Lesa wakalengesha ayi mwaami Falawo abe shicimpamya akukonkela bene Isilaeli abo bakalinga kuswa mucishi ca Ijipiti cakutaloonda.

Isaya 9:3

NoBaami baLesa, mushobo wa bantu banu mwaufusha, Kusangalala kwa bantu banu mwakufusha. Balasangalala pameenso anu bweenka bantu mbobasangalala pakutebula. Ee, bweenka mbobasangalala basankwa pakubaana shakasaalwa.

Jelemiya 28:2

“Mwaami Lesa Shinkusu shoonse, Lesa wa bene Isilaeli waamba ayi, ‘Ndaakutyola lijoko lya mwaami wa bene Babiloni.

Jelemiya 28:4

Ndaakuboosha aJeoiyakini mwanaakwe Jeoiyakimu mwaami wa bene Juda aboonse abo bakatolwa busha kuBabiloni kuswa kuJuda ceebo ndaakutyola lijoko lya mwaami wa bene Babiloni. Nebo neMwaami Lesa ndaamba.’ ”

Naamu 1:13

Ono bulya ntootyola lijoko lya bweendeleshi bwabo kuswa munshingo shanu akusutoola ncetani shimwaangite shoonse.”