Bene Lefi 25:39 - Baibo Busansulushi Bwa Libuku Ili

³⁹ “Ono na mwine Isilaelinyoko ngobambenaakwe waba mukandu cakwaamba ayi walyuulisha kuli ndiwe ayi abe musha, utakamusebenseshi mushila ya busha.

Bene Lefi 25:39 Referans Kwoze

Kulonga 21:2

Na woola mwine Ebulu musha, ulyeelete kukusebensela myaaka yosanwe awomwi. Mumwaaka wasanu ayobilo, ulyeelete kwaangululwa mubusha cakutalipila nabi cintu comwi.

1 Baami 9:22

Solomoni taakwe kwaalulaawo busha bene Isilaeli. Sombi bakalinga kubabo bashilumamba, bacinenenene, bamatanjilili ba bashilumamba, bamatanjilili ba bashilumamba ba kushikoci sha maaki abaabo beshikweensha maaki akwela shikoci.

Neyemiya 5:5

Swebo abaJuda bamwi boonse tuli bulowa bomwi. Bana besu balyeelenebo abana babo, nakubi boobo tuloolisha busha bana besu. Ncakwiila bana besu bamwi banakashi bakoolwa kale busha. Sombi tatucite lucafwo mukwiinga myuunda yesu yoonse ili mumaansa a bantu bamwi.”

2 Baami 4:1

Bumwi bushiku mukalubinje mwanakashi wa wooyo wakalinga mulikoto lya balaluki wakaya kuli Elisha akwaamba ayi, “Nkambo, beebaangu bakafwa! Mbuli mbomwishi, bakalinga kulemeka Lesa. Ono musankwa umwi ngobakakongolako maali wesa mukubwesa bana bangu bobilo basankwa ayi babe basha kwaamba ayi nkongole imane.”

Bene Lefi 25:46

Na mwafwa, inga baba ba bana banu akubasebensela mubuumi bwabo boonse. Sombi tamweelete kuba alunkutwe kumwine Isilaelinyinaanu uli woonse.

Jelemiya 34:14

lyoonse mumwaaka wasanu ayobilo balyeelete kwaangulula basha boonse bene Ebulu abo babasebensela myaaka yosanwe awomwi. Sombi balo bamashali banu bakulukulu tabakwe kunyumfwila nabi kubikako maano kusheesho nshendakaamba.

Jelemiya 30:8

Mwaami Lesa Shinkusu shoonse waamba ayi, “Pabushiku ubo ndaakutyola lijoko ndyebaangitwe munshingo akusutoola ntaambo nshebaangitwe. Baswamashi teshi bakabacatewo tubili busha.

Jelemiya 27:7

Mishobo ya bantu yoonse ilaakumusebensela akusebensela mwanaakwe amwishikulu wakwe kushikila ciindi cakukomwa kwa cishi cakwe. Paciindi ico mushobo wakwe ulaakunoosebensela mishobo iinji abamaami banene.

Jelemiya 25:14

Balo beene balaakucatwa busha kumishobo iinji akubamaami banene. Ndaakubalambula kweelana amicito yabo alimwi amilimo njebacita amaansaabo.’ ”

Kulonga 1:14

Bakayumya ceendo ca buumi bwabo kwiinda mukubasebensesha ncito iyumu abuumbi ya buyaki, alimwi aya mumyuunda yabo, cakutabanyumfwilawo nkumbu.

Mateyo 18:25

Ceebo taakalinga kucikonsha kuboosha nkongole, mwaami wakwe wakaamba ayi, musebenshi uyu ulyeelete kuulishikwa abakaakwe abana bakwe alimwi ashintu shoonse nshaacite kwaamba ayi nkongole iboole.

2 Makani 28:10

Ono mbulya mulisuni kwaalula busha basankwa abanakashi bene Juda abene Jelusalemu. Sa tamwishi kwaamba ayi amwebo kuli shibiibi nshimwakacita kuMwaami Lesa, Lesa wanu?

Jelemiya 34:8

Mwaami Sedekiya abantu ba muJelusalemu bakasuminishanya kwaangulula

Jelemiya 34:9

basha babo baEbulu basankwa alimwi abanakashi. Bakacita boobo kwaamba ayi kubule nabi womwi weshi anoocicite musha mwine Isilaelinyina.