Bene Lefi 23:40 - Baibo Busansulushi Bwa Libuku Ili

⁴⁰ Pabushiku ubo, mukayape shisepo shimwi shibotu abuumbi kuswa kushisamu shanu, mukateme malala alimwi amisampi icite matewu aanji, akutalika kusekelela ayi mundemeke nebo neMwaami Lesa, Lesa wanu.

Bene Lefi 23:40 Referans Kwoze

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.

Bene Filipi 4:4

Amusangalale muMwaami lyoonse alimwi ndaamba ayi, amusangalale!

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Joni 16:22

Amwebo mbweeke ubo, bulya mulyuungumene mumyoyo. Sombi ndaakumubona alimwi, lyalo mulaakusangalala abuumbi. Kusangalala uko, taaku muntu eshi akakukusheewo pali ndimwe.

Joni 12:13

Lyalo bakatema malala akumucinsha munshila, kabaya coolobesha ayi, “Alumbaishikwe Lesa! Aape coolwe kuli wooyo utoosa muliina lya Mwaami Lesa! Aape coolwe Mwaami wa Isilaeli!”

Mateyo 21:8

Mpomunyaawo bantu baanji baanji bakayala shakufwala shabo sha peculu munshila. Abalo bamwi bakatema shikupu bashiyala munshila.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

1 Pita 1:8

Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Isaya 66:10

“Amusangalale akukondwa pantu pomwi aJelusalemu mwebo noonse nomusuni ndabala iyi. Amusangalale cankusu mwebo nomwiilililaako mumapensho a njiyo.

Kulumbaisha 92:12

Ono baluleme balaswitilila bweenka tupukupuku mbotucata shisepo shiinji, balakula cakoololoka anga nshisamu sha sida sha kuLebanoni.

Bene Lefi 23:39

“Ono na mwamanisha kutebula mumyuunda yanu, mulyeelete kusangalala pakusekelela uku kwa shimpaka inshiku shosanwe ashobilo, kutalikila pabushiku bwalikumi ashosanwe mumweenshi wasanu ayobilo. Bushiku butaanshi mbwakookesha abushiku bwasanu ashotatwe abwalo mbwakookesha.

Bene Lefi 23:41

Mwaaka amwaaka mulyeelete kutola nshiku shosanwe ashobilo kamusekelelabo. Boonse bamulunyungu lwanu balyeelete kunookonkela mulawo uyu lyoonsebo mumashalane anu oonse acisa.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Kulumbaisha 137:2

Uko twakaanjika tulumbu twesu kushisamu sha masompe.

Isaya 44:4

Balaakukula kabotu anga mbwiisu buli pakatoonto nabi anga ncisamu ca masompe cili pafwaafwi amulonga.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.