Bene Lefi 23:3 - Baibo Busansulushi Bwa Libuku Ili

³ “Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.

Bene Lefi 23:3 Referans Kwoze

Bene Lefi 19:3

“Womwi awomwi ulyeelete kulemeka banyina abaishi, alimwi mulyeelete kulama inshiku shakookesha kweelana ambondamulwiita. Nebo ndime Mwaami Lesa wanu.

Kulonga 23:12

“Musebense milimo yanu yoonse kwanshiku shosanwe abomwi munsondo, sombi pabushiku bwasanu ashobilo tamweelete kusebensa, kwaamba ayi basha banu alimwi abaswamashi bamusebensela bookeshe kubikaawo ashifubwa shanu shoonse.

Luka 13:14

Mpomunyaawo munene wa mucoonde wakakalala abuumbi ceebo Jesu wakashilika pabushiku bwakookesha bwa Cibelu. Mpeeke wakaambila bantu ayi, “Kuli nshiku shosanwe abomwi nshetweelete kusebensa. Aboobo munoosa munshiku isho mukuba kabotu, kuteshi pabushiku bwakookesha, sobwe!”

Kulonga 34:21

“Mulicite nshiku shosanwe alimwi abomwi isho nshemweelete kusebensa milimo yanu, sombi pabushiku bwasanu ashobilo, tamweelete kusebensa, nabibo ciindi cakulima alimwi acakutebula.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

Milimo ya Batumwi 15:21

Mukwiinga Milawo yakwe Mose yakatalikabo kale kale kubelengwa mushoonde sha baJuda. Aboobo bantu balashimikila maswi ngaakaamba lyoonse pabushiku bwakookesha bwa Cibelu mumandabala oonse.”

Luka 23:56

Kuswawaawo bakaboolela kuŋanda akuya mukubamba mafuta atununkila kabotu tumwi twakunanika mutuntu wakwe Jesu. Pabushiku bwakookesha bwa Cibelu, bakookesha kweelana aMilawo.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Isaya 56:6

Kubaswamashi abo bakenjila mulikoto lya bantu, abo basuni Mwaami Lesa alimwi basuni akumusebensela, balama bushiku bwakookesha bwa Cibelu alimwi balama cipangano cakwe cakushomeka.

Isaya 56:2

Muntu ucita boobo ulicite coolwe. Ncakwiila uyo ukakatila mukucita boobo, uyo ulama bushiku bwakookesha bwa Cibelu cakutalilengesha kutasalala alimwi utasuminishi maansaakwe kucita bubi, ulicite coolwe.”

Kulonga 16:29

Mulyeelete kwiibaluka ayi nebo neMwaami Lesa ndakamupa bushiku bwakookesha bwa Cibelu, nceceeco nceshi noomupeta shakulya shikumana nshiku shobilo lyoonse pabushiku bwasanu abomwi. Muntu woonse ulyeelete kwikala kweenka nkwaabete pabushiku bwasanu ashobilo, alimwi teelete kushiya musumba wakwe.”

Kulonga 16:23

Mose wakabalwiita ayi, “Mwaami Lesa wakaamba ayi ciilo mbushiku bwakwe busalalite bwakookesha bwa Cibelu. Paceebo ceeci mulyeelete kupanga sunu shakulya nshemusuni kupanga alimwi muteleke nshemusuni kuteleka. Shoonse nsheshi mushiyeeko, mushibike palubasu ayi mukalye ciilo.”

Kulonga 16:30

Aboobo bantu tebakalinga kusebensa pabushiku bwasanu ashobilo.