Bene Lefi 23:28 - Baibo Busansulushi Bwa Libuku Ili

²⁸ Tamweelete kusebensa pabushiku ubu mukwiinga mbushiku bwakucita kweelana aMilawo ayi shibiibi sha bantu shilekelelwe pameenso angu neMwaami Lesa.

Bene Lefi 23:28 Referans Kwoze

Sekaliya 3:9

Bona, libwe ndindabika kunembo lyako webo Joshuwa. Palibwe ilyo pali meenso ali osanwe aobilo. Ntootalaawo malembo pali ndilyo alimwi ndaakukusha shibiibi sha cishi cino mubushiku bomwibo.

Bene Lefi 16:34

Milawo iyi ilyeelete kunookonkelwa lyoonsebo. Kucita kweelana aMilawo uku kulyeeleete kunoocitwa linkanda lyomwi pamwaaka kwaamba ayi bene Isilaeli basalashikwe kuswa kushibiibi shabo shoonse.” Aboobo Mose wakacita kweelana abwakamwaambila Mwaami Lesa.

1 Joni 5:6

NguJesu Klistu mwiine wakesa kwiinda mumaanshi pakubombekwa kwakwe alimwi amubulowa bwa lufu lwakwe. Taakwe kwisabo mumaanshi mweenka, sombi mumaanshi abulowa bwakwe. Mushimu Usalashi ngoopa bukamboni pamakani aya mukwiinga Mushimu uyo ndolushinisho.

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

Bene Ebulu 10:14

Kwiinda mukulibenga linkanda lyomwi, wakalengesha kwaamba ayi abo mbwaasalasha kuswa kushibiibi shabo, banoosalalitebo cancinencine lyoonse.

Bene Ebulu 10:10

Ceebo Jesu Klistu wakacita ceeco Lesa ncaakalinga kusuni ayi acite, twakasalashikwa kwiinda mukubenga mubili wakwe linkanda lyomwibo ndondoli kwiimikanina bantu boonse.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

Bene Ebulu 9:12

Klistu ndyaakenjila mutente, akwinjila linkanda lyomwibo ndondoli muMusena Usalalite Wiindaawo, taakwe kutola bulowa bwa mpongo nabi bwa bacende ayi ape kuli Lesa. Sombi lakwe wakatola bulowa bwakwe mwiine akutubambila lupulusho lutamaani.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Bene Lefi 23:27

“Bushiku bwalikumi mumweenshi wasanu ayobilo bulaakuba bushiku bwakusalashikwa kuswa kushibiibi. Tamweelete kulya cintu nabi comwi, sombi mulyeelete kubungana ayi munambile alimwi akupa cipo ca cakulya kuli ndime neMwaami Lesa.

Bene Lefi 16:30

Pabushiku ubo palyeelete kucitwa kweelana aMilawo pakubasalasha kuswa kushibiibi shoonse, kwaamba ayi basalashikwe.

Bene Lefi 16:33

alimwi akucita kweelana aMilawo pakusalasha Musena Usalalite Wiindaawo, Tente ya Cipangano yoonse, cipaililo, bapailishi alimwi abene Isilaeli boonse.