Bene Lefi 22:22 - Baibo Busansulushi Bwa Libuku Ili

²² Tamweelete kubenga kuli ndime neMwaami Lesa munyama uli woonse moofu, mulema myeendo, ucite cilondabo, nabi cilonda citooshi, bulwashi bwa pacikanda nabi shipele. Kuteelesha kubenga munyama wa mushobo wooyo pacipaililo ayi ngumulambu wa cakulya.

Bene Lefi 22:22 Referans Kwoze

Bene Lefi 22:20

Ono na wabenga munyama uli woonse ucite kampenda, Mwaami Lesa teshi akamutambule.

Malaki 1:8

“Sa kuleta banyama boofu ayi ngumulambu, teshi kubisha? Sa kubenga banyama balema nabi balwashi, teshi kubisha? Nciinshi nceenga cacitika na mwapa mweendeleshi wanu banyama ba mushobo uyo? Sa inga wakondwa akumupa coolwe?

Bene Lefi 3:5

Lyalo shoonse ishi bapailishi balaakushitentela pacipaililo, kubikaawo amilambu yakutenta. Bweema bwa mulambu uyo bulansangalasha neMwaami Lesa.

Bene Lefi 3:3

Lyalo ulyeelete kupa nebo neMwaami Lesa ayi ncipo ca shakulya kuli ndime, shipansha sha munyama ishi. Mafuta oonse a shamukati,

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 22:21

Na umwi wabenga mulambu wa bwanabwankashi kuli ndime neMwaami Lesa, nacibi kwaamba ayi mukucita kweelana ambwaakashomesha cakulumbila, nabi mulambu wakulyaaba, munyama teelete kuba akampenda nakaceyi kwaamba ayi utambulwe.

Bene Lefi 22:23

Ono mbuli mulambu wakulyaaba, inga wabenga munyama utintilite nabi utabete kabotu mubili. Sombi munyama wa mbuli wooyo taatambulwi na ngumulambu utoopekwa mukucita kweelana ambwaakashomesha cakulumbila.