Bene Lefi 20:16 - Baibo Busansulushi Bwa Libuku Ili

¹⁶ “Alakwe mwanakashi na weelesha kukumana amunyama, lakwe alimwi amunyama uyo balyeelete kucaikwa. Lufu lwabo ndwakuliletela.

Bene Lefi 20:16 Referans Kwoze

Bene Ebulu 12:20

mukwiinga bakaloonda mulawo wakwaamba ayi, “Kulilabo nabi munyama weshi akumye kukalundu aka, ulyeelete kuumwa mabwe kushikila afwe.”

Kulonga 21:32

Na mucende uyo wayasa musha musankwa nabi mwanakashi, mufubi ulyeelete kulipila mwaami wa musha uyo maali a silifa ali makumi otatwe. Alakwe mucende ulyeelete kucaikwa kumabwe.

Kulonga 19:13

Muntu uyo ulyeelete kucaikwa kumabwe nabi kumuyasa mifwi, taaku nabi womwi weelete kumucata. Ici cilyeelete kubantu alimwi abanyama boonse, boonse balyeelete kucaikwa. Sombi na lupeenga lukaliile, bantu boonse bakatante pakalundu.”

Kulonga 21:28

“Ono na mucende wayasoola muntu umwi akumucaya, mucende uyo ulyeelete kumucaya kumabwe, alimwi nyama iyo tayeelete kulikwa. Sombi mufubi wa mucende uyo teelete kupekwa mulandu.

Kulonga 22:19

“Musankwa uli woonse wakumana amunyama ulyeelete kucaikwa.

Bene Lefi 18:23

“Taaku musankwa nabi mwanakashi weelete kukumana amunyama. Kucita boobo kulamulengesha kutanoosalalite kweelana aMilawo.

Bene Lefi 20:15

“Na musankwa wakumana amunyama, lakwe alimwi amunyama uyo balyeelete kucaikwa.

Bene Lefi 20:17

“Na muntu weeba nankashi yakwe, nabi nankashi yakwe kuli baishi nabi banyina bateshi bakumushala, boonse balyeelete kusebaanishikwa pameenso a bantu akutandwa pakati kanu. Ceebo muntu uyo wakumana anankashi yakwe, ulyeelete kupekwa mulandu weelete.