Bene Lefi 19:36 - Baibo Busansulushi Bwa Libuku Ili

³⁶ Kamusebensesha shipimo sheelete. Nebo ndime Mwaami Lesa, Lesa wanu uyo wakamukusha mucishi ca Ijipiti.

Bene Lefi 19:36 Referans Kwoze

Tushimpi 11:1

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Kulonga 20:2

“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Tushimpi 20:10

Shipimo shakubeca amabwe akupimisha anyengelela, Mwaami Lesa ulishipatite shoonse.

Bene Lefi 19:37

Amukonkele milawo yangu yoonse alimwi amilasho yangu yoonse. Nebo ndime Mwaami Lesa.”

1 Makani 23:29

Bakalinga kulama shimaande shakalinga kubengwa kuli Lesa, akubona fulaulo wakusebensesha mushipo shakalinga kupekwa kuli Lesa, shimaande shipampamene, shipo shakapangilwa mucitofu, fulaulo uyo usenkene amafuta a olifi alimwi akunoopima kulema akufula kwa sheesho shoonse shakalinga kubengwa muŊanda yakwe Lesa.

Esekelo 45:10

“Muntu uli woonse ulyeelete kusebensesha shipimo sheelete.

Mika 6:11

Anu inga ndalekelela buyani muntu utasebenseshi shipimo sheelete ee, usebensesha mabwe akupimisha abubeshi?

Sekaliya 5:6

Mpeeke ndakamwiipusha ayi, “Ino nciinshi?” Alakwe wakankumbula ayi, “Ngumutaanga wakupimishaako uyo utokwiimikanina shibiibi sha mucishi coonse.”

Bene Lefi 11:45

Nebo ndime Mwaami Lesa wakamukusha mucishi ca Ijipiti kwaamba ayi nkabe Lesa wanu. Mulyeelete kunoosalalite mukwiinga nebo ndisalalite.

Tushimpi 16:11

Mwaami Lesa ulisuni ayi beshimakwebo basebenseshe shipimo shakutabeca kwaamba ayi kabatanyengeleli bamwi pakuulisha makwebo abo.