Bene Lefi 18:30 - Baibo Busansulushi Bwa Libuku Ili

³⁰ “Amukonkele milawo iyo njendamupa, tamweelete kukonkela sheesho shakalinga kucita bantu bakalinga kwikala mucishi ico, alimwi mutakalilengeshi kutanoosalalite kweelana aMilawo kwiinda mukucita cintu ico cibiibi nabi comwi. Nebo ndime Mwaami Lesa wanu.”

Bene Lefi 18:30 Referans Kwoze

Bene Lefi 20:23

Mutakakonkeli kwishibila kwa bantu bekala kooko. Bakunsengwe abo ntoobatandaanyaamo kwaamba ayi mwebo mukenjile mucishi ico. Banensha nsoni ceebo ca micito yabo ya bubi.

Bene Lefi 22:9

“ ‘Bapailishi boonse balyeelete kukonkela milawo yangu. Ono na baalilwa kwiikonkela, balaakuba amulandu akufwa ceebo cakukaka kukonkela milawo iyo isalalite. Nebo ndime Mwaami Lesa ubasalasha.

Dutolonomi 11:1

“Amusune Mwaami Lesa, Lesa wanu alimwi kamukonkela milawo amilasho yakwe yoonse.

Bene Lefi 18:29

Mulyeelete kwishiba ayi uyo woonse weenga wacita shintu shilensha nsoni ishi, teshi anoociyeeyelwa kuba mulikoto lya bantu bangu.

Bene Lefi 19:1

Mpomunyaawo Mwaami Lesa wakaambila Mose ayi,

Dutolonomi 12:30

Na Mwaami Lesa akamane kunyonyoola mishobo iyo, mutakeeleshi kuyandoola kwishiba mbobalambila balesa babo kwaamba ayi munoolambila munshila yeenka iyo.

Dutolonomi 12:31

Mutakanoolambila Mwaami Lesa, Lesa wanu munshila njebalambililamo balesa babo, mukwiinga pakulambila balesa babo balacita shintu shoonse shilensha bunya, isho Mwaami Lesa nshaapatite. Balo balabenga abana babo pashipaililo shabo ayi njimilambu.

Boomboloshi 20:6

Mpeeke ndakabwesa mubili wakwe akuutimboola mushipanshapansha isho nshendakatumina mikowa ili likumi ayobilo ya bene Isilaeli. Ndakacita boobo mukwiinga bantu aba bakacita cintu cibiibi, cilensha nsoni mucishi cino ca Isilaeli.

1 Baami 14:24

Cakabica kwiindilila ncakwaamba ayi, kwakalinga basankwa bakalinga kucitana bufuule pamisena njebakalinga kulambililaawo. Bene Juda bakalinga kucita shintu shoonse shipusenepusene shilensha nsoni shakalinga kucita bantu abo Mwaami Lesa mbwaakatandaamo ciindi bene Isilaeli ndibakalinga kuya cinjila mucishi ico.

1 Baami 21:26

Aabu wakacita shibiibi shilensha nsoni pakunoolambila shibumbwabumbwa mbuli mbobakalinga kucita bene Amoli abo mwaami Lesa mbwaakatanda mucishi, bene Isilaeli ndibakalingabo kwinjilaamo.

Esila 9:1

Ono shintu ishi ndishakamana kucitwa, bamatanjilili bakesa kuli ndime akwaamba ayi, “Bene Isilaeli, kubikaawo abapailishi alimwi abene Lefi tabakwe kulipatula kubantu mbobekalaabo. Balakonkela micito yabo ibiibi, mbuli ya bene Kenani, bene Iti, bene Pelisi, bene Jebusi, bene Amoni, bene Moabu, bene Ijipiti alimwi abene Amoli.