Biblia Todo Logo
Bib sou entènèt

- Piblisite -




Bene Lefi 18:27 - Baibo Busansulushi Bwa Libuku Ili

27 mukwiinga bantu bakalinga kwikala mucishi ici bakashicita akucilengesha ayi citanoosalalite kweelana aMilawo.

Gade chapit la Kopi




Bene Lefi 18:27
14 Referans Kwoze  

Muli ndiwe muli bantu bamwi bacita shintu shilensha bunya abamukashikamukobonyinaabo, bamwi balacita cintu cilensha nsoni cakukumana abamalokashi babo, abalo bamwi balakumana abamanankashi shabo abo mbobapusenebo kubamanyinawabo, sombi ishiwabo ngomwibo.


Bakalinga beshikulisumpula akucita shintu shilensha bunya pameenso angu. Paceebo ceeco ndakabanyonyoola kweelana ambooshi.


Kwiilika waawo, bamatanjilili boonse ba bapailishi abene Juda bakalinga kuya ciindaawo kutashomeka ceebo cakukonkela micito ilensha bunya ya mishobo imwi. Mukucita boobo, bakalengesha Ŋanda yakwe Lesa, iyo njaakasalasha muJelusalemu, kuba itasalalite kweelana aMilawo.


Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.


Wakakonkela shakacita bamaami ba bene Isilaeli. Lakwe wakabenga amwanaakwe ayi ngumulambu wakutenta kushibumbwabumbwa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.


Cakabica kwiindilila ncakwaamba ayi, kwakalinga basankwa bakalinga kucitana bufuule pamisena njebakalinga kulambililaawo. Bene Juda bakalinga kucita shintu shoonse shipusenepusene shilensha nsoni shakalinga kucita bantu abo Mwaami Lesa mbwaakatandaamo ciindi bene Isilaeli ndibakalinga kuya cinjila mucishi ico.


‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’


Mukwiinga Mwaami Lesa, Lesa wanu ulipatite muntu woonse ubeca.


Anu taaku maali acanikwa munshila ya mushobo wooyo eenga aletwa muŋanda ya Mwaami Lesa ayi ngakucita kweelana akushomesha cakulumbila. Mulyeelete kwishiba ayi Mwaami Lesa, Lesa wanu ulipatite bafuule abo.


Mukabacaaye, kwaamba ayi batakamulengeshi kubisha kuMwaami Lesa kwiinda mukumwiisha shintu shilensha nsoni, isho nshebacita pakulambila balesa babo.


“Mutakalilengeshi kutanoosalalite kweelana aMilawo kwiinda mumicito iyi, ceebo bakunsengwe mbobakalilengesha kutanoosalalite kweelana aMilawo ubo, abo mbontootanda mucishi ca Kenani ayi mwebo mukenjileemo.


Mwaami Lesa waamba ayi, “Ndindakacanabo bene Isilaeli, cakaba anga nkucana munyansa utoomena muluyanga. Ndindakabona bamashali babo bakulukulu, cakaba anga nkucana nkuyu shakusoma kucisamu ca nshisho. Sombi ndibakashika kuKalundu ka Baali Peoli, bakatalika kulambila shibumbwabumbwa. Mpeeke bakatalika kunensha bunya anga mbalesa abo beenka mbobakalinga kusuni.


Sombi mwebo mulyeelete kukonkela milasho alimwi amilawo yangu. Mwebo noonse, nkokwaamba ayi bene Isilaeli abaswamashi bekala pakati kanu, tamweelete kucita shintu shibiibi isho,


Ono na mucilengeshe kutanoosalalite kweelana aMilawo, amwebo cilaakumukaka bweenka mbocakakaka baabo bakalinga kwikalaamo.


Swiv nou:

Piblisite


Piblisite