Bene Lefi 16:29 - Baibo Busansulushi Bwa Libuku Ili

²⁹ “Ono milawo njemweelete kunoolama lyoonsebo njeeyi. Pabushiku bwalikumi mumweenshi wasanu ayobilo, bene Isilaeli alimwi abaswamashi bashiite pakati lyabo balyeelete kulikasha kulya, alimwi tabeelete kusebensa mulimo uli woonse.

Bene Lefi 16:29 Referans Kwoze

Isaya 58:3

“Baleepusha ayi, ‘Ceebonshi twakalikasha, kulya sombi mwebo nobaLesa cakutabona ncetwakalinga kucita? Ceebonshi twakalibombya pameenso anu, sombi mwebo cakutabikaako amaano?’ ” Mwaami Lesa wakumbula ayi, “Mwebo paciindi ndimulikasha kulya mulacita shimusangalasha akulita masuku basebenshi banu pamitwi.

Shakubelenga 29:7

“Ono pabushiku bwalikumi mumweenshi wasanu ayobilo, bakabungane ayi balambile. Tabeelete kulya cintu nabi comwi nabi kucita mulimo umwi uli woonse.

Danyelo 10:12

Lyalo wakaŋambila ayi, “Danyelo utaloondi. Lesa wakanyumfwa mupailo wako kuswabo bushiku butaanshi ubo mbowakayeeya kulibombya kunembo lya Lesa wako kwaamba ayi ube amaano akunyumfwishisha shintu. Anu nebo ncendatuminwa kuli ndiwe ceebo ca mipailo yako yakumbulwa.

Isaya 58:5

Sa uku nkokulikasha kulya nkondakasuminisha? Sa muntu ulyeelete kuliceyeshabo ca bushiku bomwi? Sa nkwakucita kukontyamika mitwi anga nditete lityokete akoona pamasaka ayalitwe pamilota? Sa anu kucita boobo nkomwaamba ayi mwalikasha kulya uko kweenga kwasangalasha neMwaami Lesa?

Kulumbaisha 35:13

Sombi ciindi ndibakaciswa ndakafwala masaka. Ndakalikasha kulya, akupaila mutwi wangu kookontyamikitwe,

Bene Lefi 23:36

Panshiku shosanwe ashobilo shoonse ishi, lyoonse pabushiku mulaakunoopa cipo ca cakulya. Ono pabushiku bwasanu ashotatwe, mukabungane pantu pomwi alimwi, ayi munambile akumpa cipo ca cakulya. Ubu mbushiku bwakulambila, aboobo tamweelete kusebensa milimo yanu.

Bene Lefi 23:21

Pabushiku ubo tamweelete kusebensa milimo yanu yoonse, sombi mulyeelete kubunganabo ayi mulambile. Bamulunyungu lwanu balyeelete kunookonkela mulawo uyu lyoonsebo, koonse uko nkweenga kabashiite.

Kulonga 20:10

sombi bushiku bwasanu ashobilo, mbushiku bwangu ubo mboweelete kookesha. Taaku muntu weelete kusebensa pabushiku ubo, nkokwaamba ayi webo, bana bako, basha bako, shifubwa shako nabi baswamashi bekala mucishi cako.

Bene Ebulu 4:10

Mukwiinga uyo woonse Lesa ngweshi akalengeshe ayi ookeshe kweelana ambwaakashomesha, ulaakookesha pakumanisha milimo yakwe, bweenka mbuli Lesa mbwaakookesha ndyaakamanisha milimo yakwe mwiine.

1 Bene Kolinto 11:31

Netwalinga kuliyeeya katutana kulya, naakwiinga bukali bwakwe Lesa tabwisi pali ndiswe.

Danyelo 10:3

Nshikwe kulyawo shakulya shibotu nabi kulyawo nyama nabi kunwawo waini nabi kunanawo mafuta kushikila nsondo shotatwe ndishakeenda.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Kulumbaisha 69:10

Ndindakalibombya kwiinda mukulikasha kulya, kwakaba nkuliletelela ayi ntukanwe.

Esila 3:1

Mweenshi wasanu ayobilo ndiwakashika, bene Isilaeli kabali mumandabala abo, bantu boonsebo bakabungana kuJelusalemu.

1 Baami 8:2

Boonse bakabungana muciindi cakusekelela kwa Shimpaka mumweenshi wasanu ayobilo uyo wakalinga kwiitwa ayi Etanimu.

Bene Lefi 23:3

“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.

Kulonga 30:10

Aloni ulyeelete kucita kwishibila kwa kusalasha cipaililo linkanda lyomwi pamwaaka. Ulyeelete kunanika bulowa bwa mulambu wakulekelelwa shibiibi pashintu shili anga ngameeca. Nkokwaamba ayi ici cilyeelete kunoocitika lyoonsebo pamwaaka mumashalane anu oonse acisa. Sombi cipaililo ici cilyeelete kunoosalalite cancinencine, cinoolibo caangu nebo neMwaami Lesa.”

Kulonga 12:16

Pabushiku butaanshi alimwi apabushiku bwasanu ashobilo, mulyeelete kubungana ayi munambile. Taaku weelete kusebensa panshiku ishi, sombi calo cakulya inga mwabamba.

Milimo ya Batumwi 27:9

Twakekala ciindi cilaamfu nkomunya uko abushiku bwa kusekelela kulekelelwa kwa shibiibi kabuli bweenda kale. Ciindi ico cakaboneka ayi citooleta mapensho kweenda abwaato bunene. Mpomunyaawo Paulo wakabacenjesha ayi,

Kulonga 31:14

Mulyeelete kulama bushiku bwakookesha mukwiinga bulisalalite. Uyo woonse ngweshi akabule kulama bushiku ubo akunoosebensa pali mbubo, uyo ulyeelete kucaikwa.

Kulonga 31:15

Mulicite nshiku shosanwe abomwi nshemweelete kusebensa milimo yanu, sombi bushiku bwasanu ashobilo, mbushiku bwangu ubo busalalite kuli ndime neMwaami Lesa. Uyo woonse weenga wasebensa mulimo uli woonse pabushiku ubo, ulyeelete kucaikwa.

Bene Lefi 3:17

Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”

1 Samwelo 7:6

Aboobo boonse bakabungana kuMisipa. Bakateka maanshi akwaabenga ayi ncipo kuMwaami Lesa mukwaatila. Lyalo bakalikasha kulya bushiku boonse ubo akusumina ayi, “Twakabishisha Mwaami Lesa.” KuMisipa Samwelo nkwaakatalikila koombolosha pakati ka bene Isilaeli.

Esila 8:21

Ono kulya kuMulonga wa Aafa ndakapa mulawo wakwaamba ayi soonse tulikaashe kulya alimwi akuliceesha pameenso a Lesa wesu, kumusenga kututanjilila mulweendo lwesu alimwi akutufuna swebo abana besu pantu pomwi ashintu shesu shoonse.

Bene Lefi 25:9

Ono pabushiku bwalikumi mumweenshi wasanu ayobilo, bushiku bwakusalashikwa kuswa kushibiibi, mukatume muntu eshi akanooya cilisha lupeenga mucishi coonse.