Bene Lefi 10:3 - Baibo Busansulushi Bwa Libuku Ili

³ Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Bene Lefi 10:3 Referans Kwoze

Kulonga 19:22

Nabi bapailishi boonse abo beenga basena pafwaafwi anebo balyeelete kulisalasha ceebo inga ndabapa mulandu.”

Isaya 49:3

Lyalo wakandwiita ayi, “Isilaeli uli musebenshi wangu. Ceebo ca ndiwe bantu balaakunumbaisha.”

Bene Lefi 21:6

Ulyeelete kunoosalalite alimwi teelete kusebaanya liina lyangu. Lakwe ulabenga milambu ya cakulya kuli ndime, aboobo ulyeelete kunoosalalite.

Shakubelenga 20:12

Sombi Mwaami Lesa wakakalalila Mose aAloni akwaamba ayi, “Mukwiinga tamukwe kunshoma cakundemeka ayi ndisalalite pameenso abene Isilaeli, anu teshi mukabatanjilile kuya mucishi ncendakalasha kubapa.”

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.

Dutolonomi 32:51

mukwiinga nobilo noonse tamukwe kushomeka kuli ndime pameenso a bene Isilaeli. Ndimwakashika kumaanshi a kuMeliba pafwaafwi andabala ya Kadeshi muluyanga lwa Sini, tamukwe kundemeka pameenso a bene Isilaeli.

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Kulumbaisha 89:7

NobaLesa mulaloondwa abuumbi munkuta ya basalalite. Ncakwiila boonse abo balamulemeka noBaami baLesa.

1 Samwelo 6:20

Aboobo basankwa bene Beti Shemeshi bakaamba ayi, “Anu ngani weenga weemikana pameenso aMwaami Lesa, Lesa uyu Usalalite? Anu nkuli nkweenga twatumya Libokoshi lya Cipangano cakwe kwaamba ayi abe kulaale aswebo?”

Bene Lefi 21:21

Taaku wamulunyungu lwakwe Aloni mupailishi nabi womwi mulema eshi akanoobenga milambu ya shakulya kuli ndime.

Bene Lefi 8:35

Mulyeelete kunooshiite pamulyango wa Tente ya Cipangano malumwi amashiku kwanshiku shili shosanwe ashobilo akucita caamba Mwaami Lesa. Na mukabule kucita boobo, mulaakufwa. Anu Mwaami Lesa mbwaakandwiita ubo.”

Esekelo 20:41

Ono pesule lya kumukusha mushishi umo momwakapalanganishilwa akumubunganya pomwi, ndaakusangalala muli ndimwe bweenka mboonsangalala patununkila kabotu uto ntoomuntentela. Lyalo ndyeshi nkalitondeshe ayi ndisalalite pameenso a mishobo imwi yoonse.

Bene Lefi 22:9

“ ‘Bapailishi boonse balyeelete kukonkela milawo yangu. Ono na baalilwa kwiikonkela, balaakuba amulandu akufwa ceebo cakukaka kukonkela milawo iyo isalalite. Nebo ndime Mwaami Lesa ubasalasha.

Bene Lefi 21:17

“Lwiita Aloni ayi taaku muntu mulema nabi womwi wa mulunyungu lwako weelete kubenga mulambu wa cakulya kuli ndime. Ici cilaakunoocitika lyoonsebo mumashalane anu oonse acisa.

Bene Lefi 21:15

Na wabula kucita boobo, bana bakwe abo beelete kunoosalalite, teshi bakanoosalalite kweelana aMilawo. Nebo ndime Mwaami Lesa nendakamupatula ayi abe mupailishi munene.’ ”

Bene Lefi 21:8

Bantu balyeelete kulanga mupailishi ayi ulisalalite ceebo ulabenga milambu ya cakulya kuli ndime. Nebo ndime Mwaami Lesa, ndisalalite alimwi bantu bangu ndabasalasha.

Esekelo 42:13

Mpomunyaawo muntu uyo wakandwiita ayi, “Maanda obilo oonse aya alisalalite. Bapailishi abo benjilaamo balalya milambu indaawo kusalala. Ceebo cakwaamba ayi shipinda isho shilisalalite, bapailishi balabikaamo milambu indaawo kusalala. Nkokwaamba ayi balabikaamo shipo sha fulaulo, milambu yakulekelelwa shibiibi alimwi amilambu yakumanisha milandu.

Kulumbaisha 39:9

Ndakalinga kuumwite cakutacalulaawo mulomo, mukwiinga mwebo ndimwe mwakasuminisha ayi mpenge bobulya.

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?

Mateyo 10:37

“Uyo woonse usuni baishi nabi banyina kwiinda ndime, taaelete kuba shikwiiya wangu. Uyo woonse usuni mwanaakwe musankwa nabi mwanakashi kwiinda ndime, taaelete kuba waangu.

Esekelo 28:22

akwiilwiita ayi nebo neMwaami Lesa Shinkusu shoonse ndaamba ayi, ‘Webo Sidoni, ntooyanda kukulwana alimwi ndaakuba abulemu ceebo ca sheesho nsheshi nkakuciite. Ndaakumana kukupa mulandu akulitondesha ayi ndisalalite, bantu balaakwishiba ayi nebo ndi Mwaami Lesa.

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Joni 12:28

Ta, amuboneshe bulemu bwanu!” Mpomunyaawo liswi lyakanyumfwika kuswa kwiculu kalyaamba ayi, “Ndabubonesha kale, alimwi ncibubonesha.”

1 Samwelo 3:18

Aboobo Samwelo wakamulwiita shoonse cakutashisaawo nabi paniini. Mpomunyaawo Eli wakaamba ayi, “NgoMwaami Lesa, aacite cili coonse ncaasuni kucita.”

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

Joni 14:13

Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Isaya 39:8

Mwaami Esekiya lakwe wakanyumfwa ayi kulaakuba luumuno paciindi ca bwikaalo bwakwe. Aboobo wakakumbula ayi, “Maswi a Mwaami Lesa ngowandwiita ngabotu.”

Kulonga 14:17

Ntoolengesha ayi bene Ijipiti babe beshicimpamya cakwaamba ayi batoobanjilila mulweenge. Lyalo anebo ntooba abulemu kwiinda mukukoma mwaami wabo, bashilumamba bakwe, shikoci shankondo alimwi abeshikweensha.

Kulonga 30:30

Kuswawaawo ukananike Aloni alimwi abana bakwe basankwa, akubabika pabupailishi bwakunoonsebensela.

Shakubelenga 16:5

Kuswawaawo wakaambila Kola alimwi abaabo bakalinga kumukonkela ayi, “Ciilo macuunsa Mwaami Lesa ulaakutubonesha muntu wakwe. Ulaakulengesha ayi uyo waakwe, ngwaakasala, akasene kuli nguwe kucipaililo.

Kulumbaisha 148:14

Wakasumpula bantu bakwe mukubapa nkusu ayi bantu bakwe boonse basalalite, ee, bene Isilaeli abo mbwaasuni bamulumbaishe. Amulumbaishe Mwaami Lesa!

Esekelo 38:16

Mulaakulwana bantu bangu bene Isilaeli anga ndikumbi lyafwekelesha cishi. Ciindi ico caakushika, webo Gogi, ndaakukutuma kuya mukulwana cishi cangu kwaamba ayi mishobo imwi ikanshiibe. Ndaakutondesha ayi ndisalalite pameenso abo kwiinda muli ndiwe.

Esekelo 40:46

Cipinda cilangite kumalenge nca bapailishi basebensela kucipaililo. Bapailishi boonse mbamulunyungu lwakwe Sadoki. Aba mbobantu beenkabo mumukowa wakwe Lefi basuminishikwa kusebensela Mwaami Lesa muŊanda yakwe.”

Kulonga 19:24

Mpeeke Mwaami Lesa wakakumbula ayi, “Seluka uye ukalete Aloni. Sombi bapailishi alimwi abantu bamwi boonse tabeelete kusotoka mwakweela kwaamba ayi bese mukumbona, mukwiinga inga ndabapa mulandu.”

Kulumbaisha 39:10

Amukushe lyaansa lyanu lya bukali pali ndime! Ntooyanda kufwa kushuumo shanu.

Kulumbaisha 93:5

NoBaami baLesa milawo yanu njamuyayaya, Ŋanda yanu ilisalalite calushinisho kwalyoonse alyoonse.