Bene Kolose 4:3 - Baibo Busansulushi Bwa Libuku Ili

³ Kamutupaililaako aswebo kwaamba ayi Lesa atupe ciindi cibotu cakushimikila makani akwe akushimikila shabushishi shaamba pali Klistu. Ceebo ca makani abushishi aya, nebo ndyaangitwe.

Bene Kolose 4:3 Referans Kwoze

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Bene Kolose 1:26

Maswi ayo ancinencine akalinga kushisitwe lyoonse kumashalane oonse, ono bulya Lesa waayubulula kubantu bakwe.

2 Bene Kolinto 2:12

Ono ndindakashika kuTulowasi mukushimikila Makani Abotu akwe Klistu, ndakabona kwaamba ayi Mwaami wakancalwita mulyango wakusebensa.

2 Timoti 2:9

Ceebo cakushimikila Makani Abotu, ndapenga akwaangwa ncetani bulya anga ngushikusotoka milawo, sombi maswi akwe Lesa taangitwe muncetani napaceyi!

Bene Filipi 1:7

Ndamuyeeya lyoonse mukwiinga ndimusuni alimwi cililuleme kuli ndime kunyumfwa boobo. Ndyeembete muntolongo nabi ciindi cakwiimikanina akuyumya Makani Abotu mumyoyo ya bantu boonse, noonse mulaba andime muluse lwakwe Lesa.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

1 Bene Kolinto 16:9

Kuno Lesa wancalwita mulyango kwaamba ayi ncite mulimo unene nakubi ayi kuli bampikisha baanji.

1 Bene Kolinto 4:1

Mwebo mulyeelete kutubona ayi tuli basebenshi bakwe Klistu abo bakapekwa kweendelesha mumakani abushishi akwe Lesa.

1 Bene Tesalonika 5:25

Aswebo nobamakwesu, kamutupaililaako.

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Filimoni 1:22

Ntoosenga alimwi ayi ukamambileko mwakoona ceebo ntooshoma kwaamba ayi Lesa ulaakukumbula mipailo yanu akumboosha kuli ndimwe.

Bene Filipi 1:19

mukwiinga ndishi ayi kwiinda mumipailo yanu alucafwo lwa Mushimu wakwe Jesu Klistu, ndaakwaangululwa.

2 Timoti 1:16

Nkumbu shakwe Lesa shibe pabamuŋanda yakwe Onesifolasi, ceebo lakwe lyoonse wakalinga kunkusha buumba. Taakalinga kunyumfwa nsoni kwaamba ayi ndalinga muntolongo,

Bene Efeso 3:1

Paceebo ceeco, nebo nePaulo nekaili ceebo cakwe Klistu Jesu mukusebensela ndimwe nobaswamashi bakunsengwe, ndamupailila kuli Lesa.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

Bene Efeso 3:3

Wakanjubulwita muyeeyo wakwe wa bushishi kweelana ambuli mbondalemba kale mukufwiimpyafwiimpya.

Bene Efeso 3:4

Kwiinda mukubelenga mbondalemba, inga mwaboona lushibo ndooncite pashabushishi bwapali Klistu.

Bene Efeso 3:9

Wakampa amulimo wakusansulwita bantu boonse Lesa mbweshi akalengeshe muyeeyo wakwe wa bushishi kucitika. Lesa, uyo wakalenga shintu shoonse, walinga kushisite cikani ici kuswabo kale kale.

Bene Kolose 4:18

Nebo nePaulo, ndaleemba alyaansa lyangu nemwiine ayi, “Ndamwaansha.” Mutaluubi kwaamba ayi ndi muntolongo! Luse lwakwe Lesa lube amwebo.

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.