Bene Kolose 3:9 - Baibo Busansulushi Bwa Libuku Ili

⁹ Mutanoobecana mukwiinga mwashiya buumi bwanu bwakale kale amicito ya mbubo

Bene Kolose 3:9 Referans Kwoze

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Bene Lefi 19:11

“Mutanokwiipa, kubeca nabi kuba shikucenjeeka.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Bene Loma 6:6

Tulishi kwaamba ayi buumi bwesu bukulukulu bwakaloba Jesu ndyaakapopwa pamucilingano kwaamba ayi Lesa anyonyoole buumi bwesu bwakusuna kubisha kwaamba ayi tutabi lyobilo basha ba bubi.

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

1 Timoti 1:10

beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Bene Kolose 3:8

Sombi bulya mucileeke shoonse ishi, mbuli kukalala, kukalooka alimwi amiyeeyo ya lupato. Tamweelete kutukana nabi kusebensesha myaambo ibiibi.

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Sekaliya 8:16

Ono shintu nshemweelete kucita nsheeshi. Kamwaamba calushinisho kumuntu womwi awomwi. Kamoombolosha cakutanyengelela munkuta kwaamba ayi kube luumuno.

Tushimpi 13:5

Muntu ululeme ulipatite bubeshi, sombi bamucita shibi balalensha nsoni amusebaanyo.