Bene Kolose 3:15 - Baibo Busansulushi Bwa Libuku Ili

¹⁵ Luumuno Klistu ndwaapa, alweendeleshe myoyo yanu. Lesa wakamwiita kwaamba ayi mube aluumuno ndomunya ulu mukwiinga muli shipansha sha mubili womwi. Amube amyoyo yakulumba.

Bene Kolose 3:15 Referans Kwoze

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

1 Bene Tesalonika 5:18

Kamulumba Lesa mushintu shoonse. Ici ncaasuni Lesa kwaamba ayi mucite kweelana ambomuli muli Klistu Jesu.

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

2 Bene Kolinto 9:11

Ulaakumubilisha cakwaamba ayi lyoonse mwebo nkunoocitabo milimo ya luse. Aboobo bantu baanji balaakulumba Lesa ceebo ca shipo nshetutoobatolela.

Bene Efeso 4:4

Kuli mubili womwi aMushimu Usalashi womwi, bweenka mbuli mbokuli kulangila komwi Lesa nkwaakamwiitila.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Kulumbaisha 116:17

Ndaakubenga mulambu wakulumba kuli ndimwe alimwi akupaila muliina lyanu noBaami baLesa.

1 Timoti 2:1

Ono citaanshi ndaseenga ayi mupailile bantu boonse. Kupaila kwanu kube kusenga, mipailo, kusengela bamwi alimwi akulumba Lesa.

Bene Kolose 2:7

Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.

Bene Efeso 5:1

Ono mukwiinga muli bana bakwe Lesa abo mbaasuni, mulyeelete kukonkela mibo yakwe.

2 Bene Kolinto 4:15

Muyeeyo wa shoonse ishi nkwaamba ayi mwebo mutambule shoolwe alimwi bweenka luse lwakwe Lesa mbolutooya cishika kubantu baanji, amipailo yakulumba itoofula mukulemeka Lesa.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Ciyubululo 7:12

kabaamba ayi, “Ameni! Lesa wesu aalumbaishikwe, aapekwe bulemu abusongo, aalumbwe alimwi akupekwa nkusu abweendeleshi lyoonse alyoonse. Ameni!”

Bene Efeso 4:16

Lakwe ngooendelesha shipansha shoonse sha mubili akushicatanya pantu pomwi. Ono na cipansha cili coonse casebensa mulimo wa ncico, mubili woonse ulakula akuliyaka mulusuno.

Kulumbaisha 107:22

Abamuluumbe amilambu yakulumba, akwaambilisha milimo yakwe munyimbo shakusangalala.

Bene Kolose 1:12

mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

Kulumbaisha 100:4

Amwinjile mumilyango ya kuŊanda yakwe cakumulumba. Amwinjile mulubansa lwa Ŋanda yakwe cakumulumbaisha, Amumuluumbe akulumbaisha liina lyakwe.

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

1 Bene Kolinto 7:15

Nakubi boobo na utashomi pabeebene wayeeya kukaka mubye ushoma, acite bweenka ubo. Na cacitika boobo, ushoma uyo wacaala, musankwa nabi mwanakashi, ulyaangulukite kucita mbwaasuni. Lesa wakamwiita kwaamba ayi mube muluumuno.

Bene Loma 1:21

Bakalinga kwishi Lesa, sombi tabakwe kumulemeka mbwaaelete nabibo kumulumbaisha ceebo bakalinga kuyeeyabo shitacite ncito alimwi mitwi yabo iliswitebo munshinshe.

Jona 2:9

Sombi ndaakubenga mulambu, akwiimba lwiimbo lwakulumba. Ico ncendakamushomesha cakulumbila, ndaakucicita. Ncakwiila lupulusho lulaswabo kuli ndimwe noBaami baLesa.”

Isaya 27:5

Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

1 Bene Kolinto 10:17

Ono ceebo cakwaamba ayi shinkwa ngomwibo, soonse natufuuli, tuli mubili womwi ceebo tulabaana shinkwa womwi.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.