Bene Kolose 3:14 - Baibo Busansulushi Bwa Libuku Ili

¹⁴ Pashintu shoonse ishi mulyeelete kuba alusuno, lwalo ndolucatanya shintu shoonse ishi, kwaamba ayi shilulame.

Bene Kolose 3:14 Referans Kwoze

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Kolose 2:2

Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine.

Joni 13:34

Ntoomupa mulawo upya wakwaamba ayi, ‘Amusunane.’ Bweenka mboomusuni nebo, amwebo mulyeelete kusunana.

Bene Loma 13:8

Mutabi ankongole kumuntu uli woonse, sombi ncemweelete kucita, nkusunanabo. Uyo woonse usuni mubye ingayi wacita kale shiyanda Milawo shoonse.

Bene Efeso 4:3

Amucite cili coonse mukulama bwanabwankashi buswa kuMushimu Usalashi muluumuno ulo lumucatanya pantu pomwi.

1 Joni 4:21

Mulawo Klistu ngwaakatupa ngwakwaamba ayi uyo usuni Lesa ulyeelete kusuna amubye.

2 Pita 1:7

Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

1 Bene Tesalonika 4:9

Taapu ceebo nceenga twalembelawo shalusuno lwanu kubashominyinaanu. Lesa wamwiisha kale mbomweelete kusunana.

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Joni 15:12

Mulawo wangu ngooyu, amusunane bweenka mboomusuni anebo.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.

Bene Ebulu 6:1

Ono anu atuye kunembo mumakani eelete bamanene mulushomo. Tuteelilwibo kunokwaamba pasheesho nshemwakataanguna kwiiya shapali Klistu. Tatweelete kwiiya alimwi shakusanduka kuswa kushintu shitacite ncito alimwi ambweenga twashoma muli Lesa,

Bene Efeso 1:4

Lesa kaatana kulenga cishi, wakalinga kutusalite kale kwiinda muli Klistu kwaamba ayi tukabe bantu basalalite, batacite kampenda pameenso akwe. Ceebo ca lusuno lwakwe,

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.