Bene Kolose 2:3 - Baibo Busansulushi Bwa Libuku Ili

³ Muli nguwe momushisitwe bubile boonse bwa busongo alimwi alushibo.

Bene Kolose 2:3 Referans Kwoze

1 Bene Kolinto 1:24

Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Bene Efeso 1:8

luse luunji ulo ndwaakacitila ndiswe soonse. Kwiinda mubusongo alushibo lwakwe,

Mateyo 10:26

“Aboobo mutaloondi bantu. Taaku cintu cifweketwe ceshi cikabule kufwekulwa, nabi cishisitwe ceshi cikabule kushibikwa.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Tushimpi 2:4

Koshiyandoola cankusu bweenka mbooyandoola silifa, ee, koshiyandoola bweenka mbooyandoola buboni bushisitwe.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Jobo 28:21

Taaku cilengwa ciyoya cili coonse cibubwene, ncakwiila abalo bayuni booluka tababubweneewo.

Bene Kolose 3:3

Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa.

Bene Kolose 1:19

Mukwiinga Lesa cakamukondelesha kwaamba ayi bulesa bwakwe boonse bwikale muli nguwe.

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

Isaya 40:14

Nkuli ni Mwaami Lesa nkwaakayawo kale mukwiipusha cikani? Ngani wakamwiishaawo kwaamba ayi abe alushibo ndwaacite? Ngani wakamwiishawo kale ayi eshibe mbwaaelete kucita shintu?

Luka 11:49

Paceebo ceeco Lesa alakwe mubusongo bwakwe wakaamba ayi, ‘Ndaakubatumina balaluki abatumwi, ono bamwi pakati kabo balaakucaikwa abalo bamwi balaakubapensha.’

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

2 Pita 1:5

Paceebo ceeco, amusebense cankusu kwaamba ayi mwiilike bwikaalo bubotu palushomo lwanu alimwi pabwikaalo bubotu, mwiilikewo lushibo.