Bene Kolose 2:16 - Baibo Busansulushi Bwa Libuku Ili

¹⁶ Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.

Bene Kolose 2:16 Referans Kwoze

Bene Loma 14:10

Takweelete kuba nabi womwi ushi kubona muKlistunyina ayi utoobisha alimwi takweelete kuba nabi womwi ushi kusebaanya muKlistunyina mukwiinga soonse nguLesa eshi akatoomboloshe.

Bene Galatiya 4:10

Mulabona nshiku shimwi ayi nshinene, amyeenshi, shiindi sha mumwaaka alimwi amyaaka imwi.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

Esekelo 45:17

Ulaakunooli mulimo wa muleli uyo kupa shifubwa shakubenga milambu yakutenta pantu pomwi ashiyandika kushipo sha fulaulo akushipo sha shakunwa sha bene Isilaeli boonse pakusekelela. Nkokwaamba ayi kusekelela kwa Mweenshi Upya, Nshiku shakookesha sha Cibelu alimwi akusekelela kumwi kwakasalwa. Ulaakunoopa milambu yakulekelelwa shibiibi, shipo sha fulaulo, milambu yakutenta aya bwanabwankashi kwaamba ayi shibiibi sha bene Isilaeli shilekelelwe.”

Neyemiya 10:33

KuŊanda yakwe Lesa tunanooleta shintu ishi. Shimaande shisalalite shibikwa patebulu, shipo sha shili anga ngamaila sha bushiku abushiku, milambu yakutenta, shipo sha pabushiku bwakookesha bwa Cibelu, shipo sha pakusekelela Mweenshi Upya, shipo shakusekelela kumwi koonse, shipo shimwi shisalalite, milambu yakulekelela shibiibi sha bene Isilaeli alimwi ashintu shoonse shiyandika muŊanda yakwe Lesa.

1 Makani 23:31

alimwi apakubenga milambu yakutenta kuMwaami Lesa pabushiku bwakookesha bwa Cibelu, pabushiku bwa Mweenshi Upya anshiiku shimwibo shakusekelela. Milasho yakapangwa kusansulula mweelo wa bene Lefi beelete kusebensa ciindi aciindi. Bene Lefi bakapekwa mulimo wakulambila Mwaami Lesa ciindi coonse.

Mateyo 15:11

Teshi ceeco cintu cinjila mulifumo lya muntu cimubisha, sombi nceeco ciswa mukanwa.”

Bene Ebulu 9:10

Mukwiinga shilaambabo pashakulya, shakunwa alimwi anshila shakulisalashilaamo shipusenepusene. Yoonse iyi njimilawobo itakumite kumoyo wa muntu, itoosebensa kushikila Lesa ndyeshi akalenge shintu shoonse cipya.

Jemusi 4:11

Nobamakwesu, mutanoofuyana. Uyo ufuya nabi woombolosha mushominyina, ulacobola akoombolosha Milawo yakwe Lesa. Ono na woombolosha Milawo, ingayi wacileka kwiikonkela, akuba shikuyoombolosha.

Maako 7:19

Mukwiinga cakulya tacinjili mumoyo, sombi mumala. Aboobo cilaswa alimwi.” (Mukwaamba maswi aya, Jesu wakasalasha ayi shakulya shoonse shilyeelete kulikwa.)

Milimo ya Batumwi 15:20

Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.

Esekelo 4:14

Mpeeke ndakaamba ayi, “Citabi boobo noBaami baLesa Beshinkusu shoonse. Kuswa kubwanike bwangu kushika sunu, nebo nshina kulyaawo kale nyama yakulifwita nabi yakacaikwa abanyama bamuluundu. Mulomo wangu tauna kulyaawo kale nyama itasalalite kweelana aMilawo.”

Isaya 1:13

Amucileeke kuleta milambu yanu itacite ncito! Atwalo tununkila kabotu twanu tulamfundoosha kumoyo. Kusekelela kwanu kwa bushiku butaanshi bwa mweenshi, inshiku shanu shakookesha sha Cibelu alimwi akubungana kumwi koonse, nshishisuni. Shoonse shabica ceebo ca shibiibi shanu.

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Kulumbaisha 42:4

Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Neyemiya 10:31

Na baswamashi baleta bukwebo buli boonse kwaamba ayi tuule pabushiku bwakookesha bwa Cibelu nabi pabushiku bumwibo busalalite, teshi tunokuulaawo. Mumwaaka amwaaka wasanu ayobilo teshi tunoolimaawo myuunda yesu alimwi tunanoolekelela beshinkongole boonse mumwaaka uyu.

Neyemiya 8:9

Kuswawaawo Neyemiya mweendeleshi, Esila mupailishi alimwi mufundishi wa Milawo abene Lefi abo bakalinga kusansulwita bantu, boonse bakaambila bantu abo ayi, “Bushiku bwasunu mbushiku busalalite bwa Mwaami Lesa, Lesa wanu. Aboobo tamweelete kulila bumpute nabi kulila cakoolobesha.” Bakabaambila boobo ceebo bakalinga kulila ndibakanyumfwa shakalinga kubelengwa muMilawo.

2 Baami 4:23

Beebaabo bakeepusha ayi, “Ino utookweendelanshi Sunu? Sunu tabushi bushiku bwa Cibelu nabi bwa Mweenshi Upya.” Mwanakashi uyo wakakumbula ayi, “Tacicite mulandu.”

1 Samwelo 20:18

Kuswawaawo Jonasani wakaambila Defedi ayi, “Ciilo nkusekelela kwa Mweenshi Upya. Kubulaawo kwako kulaakwishibikwa mukwiinga taaku eshi akekale pacuuna cako.

1 Samwelo 20:5

Aboobo Defedi wakaamba ayi, “Bona ciilo nkusekelela kwa Mweenshi Upya alimwi ndyeelete kulya amwaami. Ono leka nje nkayube muluundu kushikila isona macolesha.

Bene Lefi 16:31

Anu bushiku ubo bulyeelete kuba busalalite abuumbi ubo mbobeelete kulikasha kulya, alimwi akutasebensa mulimo nauceyi. Milawo iyi ilyeelete kunookonkelwa lyoonsebo.

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Shakubelenga 10:10

Amwalo muciindi cakusangalala mbuli pakusekelela sha Mweenshi Upya alimwi apakusekelela shakupaila kwanu kumwi koonse, mulyeelete kulisha mapeenga pakunoobenga milambu yanu yakutenta alimwi amilambu ya bwanabwankashi. Lyalo ndaakumucafwa. Nebo ndime Mwaami Lesa, Lesa wanu.”

2 Makani 31:3

Mwaami Esekiya wakapa shifubwa kuswa mumatanga akwe ayi shibe milambu yakutenta ya macuunsa amacolesha, panshiku shakookesha sha Cibelu, pakusekelela kwa Myeenshi Ipya alimwi apanshiku shimwi shakusekelela isho shakalembwa muMilawo ya Mwaami Lesa.

Bene Kolose 2:20

Mwebo mwakafwa pantu pomwi aKlistu, aboobo tamubeteko lubasu kushintu sha kwishibila kwa mucishi ca panshi. Ceebonshi mucicita anga mbantu bacite buumi bwa mucishi? Ceebonshi mulakonkela milawo yakwaamba ayi,