Bene Kolose 2:1 - Baibo Busansulushi Bwa Libuku Ili

¹ Ndisuni kwaamba ayi mwishibe mbuli mboontoosebensela mwebo, bashomi ba muLawodisiya alimwi abaabo boonse batana kumbonaawo.

Bene Kolose 2:1 Referans Kwoze

Bene Kolose 1:29

Kwaamba ayi cicitike ici, ndasebensa abuumbi kwiinda munkusu shakwe Klistu isho shisebensa cankusu muli ndime.

Bene Filipi 1:30

Aboobo amwebo mutoolwana nkondo iyo yeenka njemwakabona kaandwana alimwi njeencilwana abobulya kweelana ambomutoonyumfwa.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

Milimo ya Batumwi 20:38

Cakabapa bunene buumba ngamaswi ngaakaamba ayi teshi bakamuboneewo alimwi. Kuswawaawo, bakamushindikila kubwaato bunene.

1 Pita 1:8

Ono nabi tamukwe kumubonawo kale, mulimusuni. Mulamushoma nakubi kwaamba ayi tamumubooni. Aboobo mulasekelela abuumbi cakubula amaswi eenga asansulula kusangalala uko,

Bene Kolose 2:5

Nakubi kwaamba ayi nshibetaanu mumubili, sombi moyo wangu uli kooko kuli ndimwe. Ndisangalete kunyumfwa kwaamba ayi mutoosebensa kabotu alimwi ayi mutooshoma muli Klistu amoyo woonse.

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

Milimo ya Batumwi 20:25

“Ndakeenda muli ndimwe noonse, kaanja cishimikila makani a Bweene bwakwe Lesa. Sombi bulya ndishi kwaamba ayi taaku weshi akamboneewo alimwi.

Luka 22:44

Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

1 Bene Tesalonika 2:2

Mulishi bene Filipi mbobakatupensha akutusebaanya cilensha nsoni mundabala yabo, katutana kwisa muTesalonika umo. Nakubi kwaamba ayi bantu baanji bakalinga kusuni kwiimika mulimo wesu, Lesa wesu wakatuyumya myoyo kwaamba ayi tukonshe kumulwiita Makani Abotu aswa kuli nguwe.

Matalikilo 30:8

Lyalo Lakelo wakaamba ayi, “Ndalwana nkondo ishupite amukwesu, sombi ndakoma.” Paceebo ceeco wakamutumba ayi Nafutali.