Bene Filipi 3:20 - Baibo Busansulushi Bwa Libuku Ili

²⁰ Swebo ncakwiila kumisheesu kwiine kwiine nkwiculu alimwi tulalangila Mupulushi wesu Mwaami Jesu Klistu kuswa nkomunya uko.

Bene Filipi 3:20 Referans Kwoze

Bene Efeso 2:19

Paceebo ceeco mwebo nobaswamashi bakunsengwe tamubete baswamashi nabi beensu, sobwe. Mwebo ono muli baneshi pantu pomwi abantu bakwe Lesa alimwi muli bana bakwe Lesa.

2 Bene Kolinto 4:18

Mukwiinga tatwiililwi shintu shiboneka, sombi isho shitaboneki. Ceebo shiboneka shilekalabo ciindi ciniini, sombi shitaboneki shilekala muyayaya.

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Bene Kolose 1:5

Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.

Bene Efeso 2:6

Mukwiinga tuli muli Klistu Jesu, Lesa wakatubusha kuswa kubafu pantu pomwi anguwe akutupa musena wa bulemu kwiculu.

2 Bene Kolinto 5:8

Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

Bene Galatiya 4:26

Sombi Jelusalemu ya kwiculu iyo yaangulukite, ngonyinawesu.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

1 Bene Kolinto 1:7

Paceebo ceeco taaku cipo nabi comwi ca Mushimu ncemutacite bulya ndimutoolindilila kupiluka kwa Mwaami Jesu Klistu.

Milimo ya Batumwi 1:11

Basankwa abo bakabaambila ayi, “Mwebo nobene Galili, ceebonshi mweemikana paapo akulanga kwiculu? Uyu Jesu watolwa kwiculu kuswa kuli ndimwe, ulaakuboola alimwi bweenka mbuli mbomwamubona kaaya.”

Mateyo 19:21

Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

1 Bene Tesalonika 4:16

Bantu balaakunyumfwa koolobesha kunene, liswi lya munjelo munene alupeenga lwakwe Lesa. Lyalo Mwaami Jesu ulaakuswa kwiculu kwisa panshi. Mpeeke abo bakafwa kabashoma muli Jesu Klistu balaakutaanguna kubuka kuswa kubafu.

Luka 14:14

Lyalo ulaakupekwa coolwe mukwiinga balo inga tabacikoonshi kucita mushobo womwi kuli ndiwe. Lesa ulaakukulambula pabushiku ubo bantu basalalite ndyeshi bakabushikwe kuswa kubafu.”

Ciyubululo 1:7

Amubone, utoosa amakumbi! Bantu boonse balaakumubona kubikaawo abaabo boonse bakamuyasa. Mishobo yoonse mucishi ca panshi ilaakulila ceebo ca nguwe. Ameni!

Tushimpi 15:24

Musongo uleenda munshila ya buumi itola kwiculu, kumukasha kweenda munshila iya panshi pamusena wa bafu.

Bene Filipi 1:10

kwaamba ayi mukakonshe kusala bwikaalo bwiindaawo kubota. Lyalo mulaakwaanguluka kuswa kububi boonse akutumpenda paBushiku ubo aakuboola Klistu.

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Luka 12:21

Mpeeke Jesu pakumanisha wakaamba ayi, “Mbweeke ubo mbocibete kubaabo balilundikila buboni, sombi tababiliteewo kuli Lesa.”

1 Bene Kolinto 15:48

Ubo bwakalinga muntu wakaswa kubulongo, abalo bapanshi mbobabete alimwi ubo bubete wooyo wakaswa kwiculu, abalo bakwiculu mbobabete.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.