Bene Filipi 3:10 - Baibo Busansulushi Bwa Libuku Ili

¹⁰ Ndisuni kwishiba Klistu ankusu shakubuka kwakwe kuswa kubafu, kukoshanyaakwe mumapensho akuba mbuli nguwe mulufu lwakwe.

Bene Filipi 3:10 Referans Kwoze

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

1 Joni 2:3

Na tulakonkela milawo yakwe Lesa, anu inga tweshiba kwaamba ayi tulimwishi.

Bene Kolose 3:1

Ceebo mwakabushikwa pantu pomwi aKlistu, amubike myoyo yanu pashintu sha kwiculu, uko Klistu nkwaashiite kulubasu lwalulyo lwakwe Lesa.

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

2 Bene Kolinto 1:5

Mukwiinga bweenka bwakapenga Klistu, aswebo tulapenga. Ono bweenka Lesa mbwaakacafwa Klistu, aswebo ulatucafwa kwiinda muli nguwe.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

2 Bene Kolinto 13:4

Ceebo nabi wakapopwa pamucilingano mukulefuka kwa buntu, ngumuumi kwiinda munkusu shakwe Lesa. Tulilefukite muli nguwe, sombi munkusu shakwe Lesa tulaakuba boomi anguwe kwaamba ayi tukamucite bweelete.

1 Joni 2:5

Sombi uyo ukonkela maswi akwe Lesa, lusuno lwakwe Lesa luli muli nguwe cakumaninina. Mboboobo mbotwishiba ayi tuli muli nguwe cancinencine.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Bene Kolose 2:13

Mwebo kale kale mwakalinga kufwite mumushimu ceebo ca shibiibi shanu alimwi akutapalulwa kwa myoyo yanu. Sombi ono Lesa wamupa buumi pantu pomwi aKlistu. Peculu lya waawo wakatulekelela shibiibi shesu shoonse.

Bene Efeso 4:13

Nkokwaamba ayi soonse tulaakubabo anga ngumuntu womwi mukushoma kwesu alimwi akwishiba Mwanaakwe Lesa. Tulaakuba bantu bashoma cancinencine akuba bwakalinga Klistu.

2 Bene Kolinto 1:10

Wakatufuna mumapensho alufu amushobo uyo alimwi ulaakutufuna. Ono tulishomete kwaamba ayi ulaakutolelela kutufuna

Joni 10:18

Taaku muntu weenga wanyaya buumi, ntoobwaaba nemwiine mukuyanda kwangu. Ndicite nkusu sha kubwaaba akububoosha. Uyu ngomulawo wakampa baTa.”

Mateyo 20:23

Mpeeke Jesu wakabalwiita ayi, “Ncakwiila mulaakunwitaamo munkomeshi iyo, sombi nebo nshicite nkusu sha kusala wooyo eshi akekale kululyo lwangu nabi kucipiko. MbaTa beshi bakape misena iyi kubaabo mbobakabambila.”

Jelemiya 9:23

Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Bene Loma 8:36

Kweelana ambokulembetwe muMalembo akwe Lesa ayi, “Lyoonse bantu balapinga kutucaya ceebo ca ndimwe alimwi bantu balatucita anga nimbelele nshebatooya mukucaya.”

Bene Galatiya 6:17

Cakweelaako, kutabi muntu nabi womwi ngweshi anoocimpensha, mukwiinga pamubili wangu pali mibata ibonesha ayi ndi musebenshi wakwe Jesu.

2 Pita 1:13

Ndayeeya ayi ncibotu abuumbi kunoomwiibalusha makani aya kancili muumi.