Bene Filipi 3:1 - Baibo Busansulushi Bwa Libuku Ili

¹ Ono cakweelaako nobamakwesu, kamusangalala muMwaami Jesu. Nshileemi kulemba shintu nshendakamulembelaawo kale mukwiinga maswi aya alaakumucafwa.

Bene Filipi 3:1 Referans Kwoze

Bene Filipi 4:4

Amusangalale muMwaami lyoonse alimwi ndaamba ayi, amusangalale!

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Jemusi 1:2

Nobamakwesu, kamusangalala abuumbi na mwashikilwa mapensho apusenepusene,

1 Pita 4:13

Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.

1 Bene Tesalonika 5:16

Amusangalale lyoonse.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

2 Pita 3:1

Nomusunikwi, nkalata iyi njentoomulembela njabili. Mumakalata oonse obilo ndalinga kweelesha kumwiibalusha makani aya kwaamba ayi mutolelele kuba amiyeeyo iluleme.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Luka 1:47

Ndisangalete abuumbi ceebo cakwe Lesa Mupulushi wangu

Sekaliya 10:7

Bene Isilaeli balaakuba ankusu anga mbashilumamba. Balaakukondwabo anga ngumuntu walinga kunwa waini. Bamulunyungu balaakwiibaluka kukoma uko akusangalala ceebo ca sheesho Mwaami Lesa nshaakacita.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Jowelo 2:23

Nobene Siyoni, amukondwe Amusangalalile muMwaami Lesa, Lesa wanu mukwiinga wamupa mfula ya mainsa mubululami bwakwe. Wamupa amfuula inene yakutalikila ayakumeelelesho mbuli kataanshi.

Kulumbaisha 37:4

Kosangalala muMwaami Lesa, lakwe ulaakukupa nshoolila mumoyo.

Kulumbaisha 32:11

Amusangalale mwebo nomululeme, ceebo ca shintu shamucitila Mwaami Lesa. Amwiimbishe cakusangalala mwebo nomucita shiluleme.

Jobo 22:26

Mpeeke ulaakucana kusangalala muli nguwe alimwi ulaakunoocinkite manungo muli nguwe lyoonsebo.

1 Makani 29:22

Pabushiku ubo bantu boonse bakasangalala abuumbi ndibakalinga kulya akunwa kunembo lya Mwaami Lesa. Bakabooshaawo kwaambilisha ayi Solomoni mwanaakwe Defedi ngumwaami wabo akumunanika mafuta a bwaami pameenso akwe Lesa. Mpeeke bakananika aSadoki kuba mupailishi.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Mateyo 5:12

Amusangalale akukondwa mukwiinga cilambu canu ncinene kwiculu. Mbweeke ubo bantu mbobakapensha balaluki bakalingaako kale kale.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 41:16

Lusuko ulo mulaakulutukwita mwiculu mumuuwo awalo muuwo ulaakulutola. Ncakwiila cipuupu cinene cilaakulupalanganya. Aboobo mwebo mulaakusangalala muli ndime neMwaami Lesa ee, mulaakunumbaisha nebo neUsalalite wa bene Isilaeli.

Kulumbaisha 149:2

Bene Isilaeli abasangalale muMulengi wabo. Bene Siyoni abakondwe muMwaami wabo.

Kulumbaisha 97:1

Mwaami Lesa ngoolela, aboobo nobamucishi ca panshi amukondwe. Amwebo nomwikala pansumbu sha palweenge amusangalale.

Kulumbaisha 42:4

Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Kulumbaisha 5:11

Sombi abo boonse beshi bayube muli ndimwe, basangalale, alimwi lyoonse banokwiimba ceebo cakusangalala. Kamufuna baabo bamusuni. Ceebo ca ndimwe balasangalala cancinencine.

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

1 Makani 16:10

Amusangalale akulambila liina lyakwe lisalalite. Ncakwiila myoyo ya bantu boonse bamulambila aisangalale.

1 Makani 15:28

Lyalo bene Isilaeli boonse bakaleta Libokoshi lya Cipangano ca Mwaami Lesa kuJelusalemu cakusangalala. Bakalinga kulisha meeca a mbelele shisankwa, mapeenga, tusenke alimwi atulumbu tunene atuniini.

1 Samwelo 2:1

Mpeeke Aana wakapaila ayi, “Mwaami Lesa wansangalasha abuumbi, Ndikondetwe abuumbi ceebo ca ceeco ncaacita! Balwani bangu ntoobaseka. Ndisangalete abuumbi ceebo Lesa wancafwa!

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

Isaya 65:14

Basebenshi bangu balaakunoosangalala ceebo cakukondwa kweshi kukanooli mumyoyo yabo. Mwebo mulaakunoolila cakooloma ceebo cabuumba bweshi bukanooli mumyoyo yanu. Ncakwiila mulaakunoolila mibila ceebo ca kutyongooka kwa muuya wanu.

Kulumbaisha 33:1

Amusangalale muMwaami Lesa noonse nomululeme! Amumulumbaishe mwebo noonse nomumunyumfwila.