Bene Filipi 2:19 - Baibo Busansulushi Bwa Libuku Ili

¹⁹ Na Mwaami mwiine wayanda, ntooyeeya kufwambaana kutuma Timoti kuli ndimwe kwaamba ayi moyo wangu ukale pakunyumfwa makani atooswa kumishaanu uko.

Bene Filipi 2:19 Referans Kwoze

1 Bene Kolinto 4:17

Paceebo ceeco ntoomutumina Timoti, uli anga ngumwanaangu musankwa ngoonsunishi alimwi uyo ushomeka muMwaami Lesa. Ulaakumwiibalusha shabwikaalo bwangu muli Klistu Jesu ubo bweendelana ansheenjiisha kuli koonse mushoonde shoonse.

1 Bene Tesalonika 3:2

Twakatuma Timoti mukwabesu muli Klistu, uyo ngotuli akwe pantu pomwi mumulimo wakwe Lesa wakushimikila Makani Abotu aamba pali Klistu. Twakamutuma kwaamba ayi ese amuyumyeyumye akushimpya lushomo lwanu,

Bene Filipi 1:1

Ndime Paulo alimwi aTimoti basebenshi bakwe Klistu Jesu. Tutoolembela ndimwe noonse nobantu bakwe Lesa muli Klistu Jesu nomuli muFilipi, pantu pomwi abamatanjilili ba coonde abacafwi.

Bene Filipi 2:28

Ntoolangilabo ciindi ndyeshi nkamutume kuli ndimwe, kwaamba ayi amwebo mukasangalale alimwi pakumubona. Lyalo anebo kulisukama kwangu ndyeshi kukaceye.

Jemusi 4:15

Mwebo mulyeelete kwaamba ayi, “Mwaami Lesa na nkuyanda kwakwe tulaakubukila buumi akucita boobo aboobo.”

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

Bene Efeso 1:13

Amwebo mwakaba bantu bakwe Lesa ndimwakanyumfwa makani aamba shancinencine, ngoMakani Abotu ayo akamuletela lupulusho. Mwakashoma Klistu, paceebo ceeco, Lesa wakamupa keshibilo kakwaamba ayi muli bantu bakwe pakumupa Mushimu Usalashi uyo ngwaakashomesha.

Bene Loma 16:21

Timoti musebenshima wamwaansha. Abalo bene Lusiyasi, Jasoni alimwi aSosipata baJudama, bamwaansha.

Bene Loma 15:12

Alakwe Isaya mulaluki mukulukulu wakaamba ayi, “Umwi wa mulunyungu lwakwe Jese ulaakwisa. Lesa ulaakumubusha kwaamba ayi eendeleshe baswamashi bakunsengwe alimwi ulaakulengesha ayi banoolangila nguwe.”

Mateyo 12:21

Muli nguwe baswamashi boonse bakunsengwe mweshi bakabe akulangila.”

Jelemiya 17:5

Mwaami Lesa utokwaamba ayi, “Ulishingenwe uyo ucinka manungo mumuntunyina, ee, uyo ushoma mumuntubo ayi inga wamucafwa ncakwiila uyo ufutatila Mwaami Lesa.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

Milimo ya Batumwi 16:1

Paulo wakashika kuDebe, lyalo wakaya kuLisitila uko kwakalinga kwikala mushomi wiitwa ayi Timoti. Banyina bakalinga baJuda bashomi, sombi baishi bakalinga baGiliki.

Bene Filipi 2:18

Aboobo amwebo noonse mulyeelete kusangalala akusekelela pantu pomwi anebo.

1 Bene Tesalonika 3:5

Nceceeco ncendakatumina Timoti. Ndakaalilwa kulicata, aboobo ndakamutuma kwaamba ayi ese eshibe mbomwiimfwi mulushomo ceebo ndalinga kwaamba ayi cimwi ciindi Mubiibi wamusunka akulengesha mulimo ngotwakacita pakati kanu kubula mpindu.