Bene Filipi 2:14 - Baibo Busansulushi Bwa Libuku Ili

¹⁴ Amucite shintu shoonse cakutatongooka alimwi akupikishanya.

Bene Filipi 2:14 Referans Kwoze

1 Pita 4:9

Pakufwakashilana mumaandaanu amutambulane cakutatongooka.

1 Bene Kolinto 10:10

Tatweelete kunootongooka bweenka bwakacita bamwi pakati kabo, alimwi bakacaikwa amunjelo unyonyoola.

Bene Filipi 2:3

Mutaciti cintu nabi comwi cakulisuna nabi kulisumpula. Sombi muliceeshe, lyoonse kunoobona babyaanu anga balamwiindaawo.

Jemusi 5:9

Nobamakwesu, mutanootongookana kwaamba ayi Lesa atakamoomboloshi. Moomboloshi ulibo pafwaafwi kuboneka.

Bene Loma 12:18

Na kacikonsheka mulyeelete kwikala muluumuno abantu boonse.

1 Bene Tesalonika 5:15

Mutasuminishi bantu kuboosha cibiibi kucibiibi, sombi mushiindi shoonse amweeleshe cankusu kucafwa babyaanu abantu bamwi boonse.

Jemusi 1:20

Ceebo bukali bwa muntu tabukoonshi kuleta shiluleme isho nshaasuni Lesa, sobwe.

Bene Galatiya 5:26

Tatweelete kunoolisumpula, kunookalashanya nabi kunoonyumfwilana munyono.

Bene Galatiya 5:15

Ono na kamwikala anga mbanyama ba muluundu abo balumana akulyaana, mulyeelete kucenjela mukwiinga inga mwaakunyonyoolana nobeene.

Jemusi 3:14

Ono na mumyoyo yanu muli munyono uyoosha alimwi akulisuna, mutacoboli lushinisho kwiinda mukulilumbaisha ayi muli basongo.

Bene Loma 14:1

Amutambule muntu uyo utana kushoma bunene, sombi mutamupikishi pamiyeeyo yakwe.

Kulumbaisha 106:25

Bakalinga kutongooka mumatente abo, alimwi tabakwe kunyumfwila Mwaami Lesa.

Judi 1:16

Bantu mbomunya aba mbeshi kutongooka lyoonse akubekesha bamwi shilubo, balakonkela shiyanda mibili yabo shibiibi. Balaamba cakulisumpula alimwi akubotesha baabo bacite buboni ayi babapeewo.

1 Pita 3:11

Ulyeelete kusanduka kuswa kushibiibi akutalika kucita shiluleme. Ulyeelete kuyandoola akukonkela luumuno

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

Milimo ya Batumwi 15:2

Mpeeke Paulo aBanabasi bakapikishanya abuumbi ambabo pacikani ici. Paceebo ceeco, bashomi bakasuminishanya ayi Paulo, Banabasi alimwi abamwi ba muAntyoki baye kuJelusalemu mukubandika abatumwi alimwi abamatanjilili ba coonde pamakani aya.

Milimo ya Batumwi 6:1

Munshiku isho bashomi bakalinga kuya cifula. Paceebo ceeco baJuda baamba ciGiliki, bakalinga kutongooka ayi baJuda baamba ciJuda, tebakalinga kwaabanya kabotu maali akuula shiyandika lyoonse, kubanakashi bamukalubinje ba mushobo wabo.

1 Bene Tesalonika 5:13

Amubatondeshe bulemu buunji alusuno ceebo ca mulimo wabo. Amwikale muluumuno lyoonse.

Shakubelenga 14:27

“Ino bamucita shibi aba batootola ciindi cilaamfu buyani kabacitongooka? Matongooshi aya andemya kwaanyumfwa!

2 Bene Kolinto 12:20

Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.

Milimo ya Batumwi 15:39

Mpomunyaawo bakapikishanya abuumbi akupansaana. Lyalo Banabasi wakaya aMaako mubwaato bunene kuSaipulasi.

Milimo ya Batumwi 15:7

Ndibakabandika ciindi cilaamfu, Pita wakanyamuka akutalika kwaamba ayi, “Nobamakwesu, mulishi kwaamba ayi Lesa wakansala kale kuswa pakati kanu ayi nshimikile Makani Abotu kubaswamashi bakunsengwe kwaamba ayi abalo banyumfwe akushoma muMwaami Jesu.

Maako 14:5

Mafuta aya naakwiinga aulishikwa maali ainda pamyaanda yotatwe akupa maali ayo kubakandu!” Aboobo bakamukalalila mwanakashi uyo.

Mateyo 20:11

Ndibakamana kufola, bakatalika kutongookila mwine muunda,

Tushimpi 13:10

Kulisumpula kulaletabo kwaambana amapensho, sombi busongo bulacanwa mubaabo banyumfwa kwaambilwa.

Maako 9:14

Jesu abashikwiiya bakwe botatwe abo ndibakashika kwakacaala bashikwiiya bamwi, bakabona bantu baanji baanji kababashingulukite, abafundishi ba Milawo abo bakalinga kupikishanya abashikwiiya.

Luka 5:30

BaFalisi bamwi abafundishi ba Milawo ba mulikoto lyabo, bakatalika kutongookila bashikwiiya bakwe Jesu ayi, “Ino mutoolitanshi akunwa pantu pomwi abeshikusonkesha alimwi abantu batakonkeli Milawo yakwe Mose?”