Bene Filipi 1:23 - Baibo Busansulushi Bwa Libuku Ili

²³ Ndacata mambili. Cintu nceensuni bunene nkuswaawo pacishi cino ca panshi akuya mukwikala aKlistu mukwiinga ncecintu ciindaawo kubota.

Bene Filipi 1:23 Referans Kwoze

2 Bene Kolinto 5:8

Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Ciyubululo 14:13

Lyalo ndakanyumfwa liswi kuswa kwiculu lyakwaamba ayi, “Ulembe ayi, Balicite coolwe abo beshi bakafwite mumulimo wa Mwaami kuswa sunu!” Mushimu Usalashi wakakumbula ayi, “Ncakwiila balicite coolwe! Balaakookesha kuswa kumilimo yabo iyumu mukwiinga micito yabo ilabakonkela.”

Milimo ya Batumwi 7:59

Ndibakalinga kumuuma mabwe, Sitifini wakalinga kupaila kaamba ayi, “NoBaami bangu baJesu, amutambule muuya wangu!”

Luka 23:43

Lyalo Jesu wakamwaambila ayi, “Ncakwiila ntookulwiita ayi sunu lyeenka utooba anebo muMusena ukondelesha.”

2 Timoti 4:6

Kwaamba pali ndime, ciindi cangu cashikila ayi mbengwe pacipaililo, nciindi cakushiya buumi buno.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Kulumbaisha 49:15

Sombi Lesa nebo ulaakumpulusha kuswa munkusu sha lufu. Ncakwiila nebo ulaakutambula.

1 Bene Tesalonika 4:17

Mpomunyaawo sobamwi sweshi tukacanike katuli boomi paciindi ico, Lesa ulaakutubunganya pantu pomwi ambabo mumakumbi ayi tukakumane aMwaami Jesu mwiculu. Anu ubo mbweshi tukekaale aMwaami Jesu lyoonse alyoonse.

Joni 14:3

Ndaakumana kumubambila misena, ndaakuboola mukumubwesa kwaamba ayi mutole kooko nkweshi nkanoobete ayi amwebo mukabe nkuko.

Luka 12:50

Sombi ndyeelete kubombekwa mumapensho aanji, aboobo moyo wangu uli mubuumba kushikila mapensho aya akamaane!

1 Bene Tesalonika 2:13

Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

Joni 13:1

Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Luka 8:38

Musankwa uyo wakakushikwa bashikaswa wakasenga Jesu ayi baye boonse, sombi Jesu wakamukasha akumwaambila ayi,

1 Bene Tesalonika 2:1

Nobamakwesu, mwebo nobeene mulishi kwaamba ayi nditwakamufwakashisha ncetwakeendela uko cakacitika.

2 Bene Kolinto 6:12

Teshi ndiswe twashinkila lusuno lwesu kuli ndimwe, sombi mwebo nobeene mwashinkila lusuno lwanu kuli ndiswe.

2 Samwelo 24:14

Mpomunyaawo Defedi wakaamba ayi, “Nebo ndi mumapensho anene abuumbi. Ono inga cabota kwaabwa mumaansa a Mwaami Lesa mukwiinga ngushinkumbu, kwiinda kwaabwa mumaansa a bantu.”

Bene Filipi 1:24

Nakubi boobo muceebo ca ndimwe, cilyeelete kwaamba ayi noocili muumi.