Bene Efeso 6:5 - Baibo Busansulushi Bwa Libuku Ili

⁵ Amwebo nobasha, mulyeelete kunyumfwila bamaami banu ba mucishi ca panshi cakubalemeka akubaloonda. Mulyeelete kucita nshebamulwiita amoyo womwi bweenka mbweenga mwasebensela Klistu.

Bene Efeso 6:5 Referans Kwoze

Bene Efeso 5:22

Mwebo nobanakashi, mulyeelete kunoonyumfwila bameebaanu bweenka mbuli mbomunyumfwila Mwaami Jesu.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

1 Pita 3:2

Ncakwiila balaakushoma pakubona buumi bwanu bweelete bwakulilemeka.

Filimoni 1:16

Ono bulya taabetebo musha, sombi uleenda pamusha, ngumukwanu usunikwi muli Klistu. Nebo ndimusuni abuumbi, sombi kuli ndiwe ulaakwiindaawo mukwiinga ngumusha wako alimwi ngumukwanu muMwaami Jesu.

Bene Filipi 2:12

Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

Kulumbaisha 86:11

NoBaami baLesa amunjiishe mboonjelete kweenda, kwaamba ayi nkanokweenda mulushinisho lwanu. Amunjiishe kumusebensela amoyo wangu woonse, kwaamba ayi noolemeka liina lyanu.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

1 Bene Kolinto 7:22

Ceebo muntu uyo Mwaami Jesu ngwaakeeta kaali musha, ngumuntu waangulukite kuli nguwe. Mbweeke ubo muntu utabete musha wakeetwa aKlistu, ngumusha wakwe.

Mateyo 8:9

Mukwiinga anebo ndimuntu ukonkela milasho ya banene ba pancito alimwi ndicite bashilumamba mboondwiita nsheensuni. Ndacita na ndaambila shilumamba ayi, ‘Koya,’ alakwe ulaya. Na ndaambila shilumamba umwi ayi, ‘Kosa,’ alakwe ulesa. Na ndaambila musebenshi wangu ayi, ‘Cita ici,’ alakwe ulacicita.”

Mateyo 6:24

“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.

Matalikilo 16:9

Munjelo wakaamba ayi, “Boola uye ukabe musha wakwe.”

Bene Efeso 6:24

Alimwi luse luswa kuli Lesa lube abaabo boonse basuni Mwaami wesu Jesu Klistu alusuno lutamaani.

Kulumbaisha 123:2

Bweenka mbuli musha mbwaalangilisha kumwaami wakwe, bweenka musebenshi mwanakashi mbwaalangilisha kumwaami wakwe mwanakashi, mbweeke ubo aswebo mbotulangilisha kuli ndimwe, noBaami baLesa, baLesa besu, kushikila mukatufwite nkumbu.

1 Makani 29:17

Ndishi kwaamba ayi mulabonabona mumoyo wa muntu uli woonse alimwi mulakondwa bantu bacite myoyo yakushomeka. Shintu shoonse ishi ndashipa cakulyaaba alimwi amoyo womwi. Ono bulya ndasangalala kubona abalo bantu banu baliiwo pano mbobapa cakulyaaba.

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

2 Bene Kolinto 7:15

Lusuno lwakwe pali ndimwe lutooya cikomenenaako ndyaibaluka mbuli noonse mbomwakalinga kulibambite kucita nshaakalinga kumwaambila alimwi ambomwakamutambula cakuliceesha abulemu.

1 Bene Kolinto 2:3

Ndindakesa shindakalinga kuciteewo nkusu, aboobo ndakalinga kututumabo kuboowa.

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

Mateyo 6:22

“Meenso ngomumuni wa mubili. Aboobo na meenso anu kaali kabotu, amubili woonse ulaakuba mumumuni.

Bene Loma 9:3

Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.