Bene Efeso 6:4 - Baibo Busansulushi Bwa Libuku Ili

⁴ Amwebo nobashali, mutanoolela bana banu munshila yakubakalasha. Sombi mulyeelete kubalela cakunoobeeisha akubalwiita nshebeelete kucita mubwikaalo bwa bwine Klistu.

Bene Efeso 6:4 Referans Kwoze

Bene Kolose 3:21

Amwebo nobashali, mutanookalasha bana banu mukwiinga inga batyongooka.

Tushimpi 22:6

Iisha mwaana nshila njaaelete kweendelamo, kwaamba ayi aakukomena atakaswiimo.

Tushimpi 29:15

Musako wakululikishako mwaana, ulamupa busongo, sombi mwaana ulya ulangwabo ulalensha banyina nsoni.

Tushimpi 19:18

Funda mwanaako kaacikonsheka kufundwa, utamulekeleli ayi akanyonyoolwe.

Dutolonomi 6:7

Amuyiishe bana banu. Kamwiindulukaamo ndyemuli kumishaanu nabi kumwibo, pakookesha nabi pakusebensa.

Tushimpi 29:17

Lulika mwanaako musankwa ndyeshi akacileke kukupensha, lyalo ulaakukulengesha kusangalala.

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

2 Timoti 1:5

Ndeebaluka lushomo lwako lwancinencine. Lushomo ulo lwakalinga muli bankambiyako banakashi baLoisi abanyoko baYunisi, alimwi ndishi kwaamba ayi moluli amuli ndiwe.

Tushimpi 22:15

Buluya bulekala mumoyo wa mwanike, sombi na woomwa amusako, buleendela palaamfu.

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

Isaya 38:19

Anu boomi, ee, boomi mbobamulumbaisha bweenka mboontoomulumbaisha bulya. Bamashali balaambila bana babo shakushomeka kwanu.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

1 Makani 29:19

Amupe Solomoni mwanaangu moyo wakulyaaba kuli ndimwe cakumaninina kwaamba ayi anookonkela milawo amilasho yanu yoonse akuyaka Ŋanda yanu iyo njendabambila kale shintu shoonse.”

Bene Efeso 6:3

Kushomesha uku nkwakwaamba ayi, “Na mwacita boobo, mulaakuba acoolwe mushintu shoonse alimwi akwikala myaaka iinji mucishi.”

Boomboloshi 13:12

Mpeeke Manowa wakamwiipusha alimwi ayi, “Ono isho nshemwakaamba shaakucitika, mwaana uyo ulaakwikala buuminshi? Alimwi ulaakunoocitanshi?”