Bene Efeso 6:12 - Baibo Busansulushi Bwa Libuku Ili

¹² Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

Bene Efeso 6:12 Referans Kwoze

Bene Kolose 1:13

Wakatukusha munkusu sha munshinshe akutwinjisha muBweene bwa Mwanaakwe usunikwi.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Efeso 1:21

Klistu wakabikwa pamusena wa bulemu kwiinda beendeleshi boonse ba kwiculu, bamatanjilili, beshinkusu alimwi abamaami. Ulicite liina lya bulemu ankusu kwiinda pameena oonse muciindi cino nabi muciindi citoosa.

Bene Loma 8:38

Ceebo ndishinishite kwaamba ayi taaku nceenga catupansaanya alusuno lwakwe Lesa pali ndiswe. Lufu nabi buumi, baanjelo nabi beendeleshi ba kwiculu, shintu sha cecino ciindi nabi shintu sheshi shikaboneke,

Bene Efeso 3:10

Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

1 Bene Kolinto 15:50

Nobamakwesu, ncentokwaamba cakwaamba ayi muntu ucite mubili wa buntu taakoonshi kwinjila muBweene bwakwe Lesa alimwi cifwa tacikoonshi kwikala kooko kutaaku lufu.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Joni 14:30

Teshi ntolelele kwaamba amwebo mukwiinga mwaami wa mucishi ca panshi utoosa. Taacite nkusu pali ndime,

Joni 12:31

Ono cashikila ciindi cakwaamba ayi bantu ba pacishi ca panshi boomboloshekwe. Ono Satana mweendeleshi wa panshi pano wakomwa.

Joni 16:11

Ulaakubashinina pacikani ca boomboloshi mukwiinga Satana muleli wa pacishi ca panshi woomboloshekwa kale.

Jobo 2:2

Mpeeke Mwaami Lesa wakeepusha Satana ayi, “Ino waswita kuli?” Satana wakakumbula ayi, “Ndalinga kuya ceendeenda mucishi ca panshi coonse.”

Luka 22:53

Ndaalinga amwebo muŊanda yakwe Lesa lyoonse, sombi tamukwe kuncata. Anu ici nceciindi ncemwasuminishikwa kwaamba ayi mwaami wa munshinshe atondeshe nkusu shakwe.”

Luka 13:24

“Amweeleshe cankusu kwinjila pamulyango ushaankene mukwiinga ntoomwaambila ayi bantu baanji balaakweelesha kwinjila, sombi teshi bakacikoonshe.

2 Timoti 2:5

Shilubilo taakoonshi kutambula cilambu na wabula kukonkela milawo ya kupingana uko.

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Bene Ebulu 12:4

Mukwiinga mukulifuna munkondo ya shibiibi, tamuna kushika pamapensho akwaamba ayi mutooyanda kucaikwa.

Bene Galatiya 1:16

Cakamukonda kunjubulwita Mwanaakwe kwaamba ayi nkashimikile Makani Abotu aamba pali nguwe kubaswamashi bakunsengwe. Nshikwe kuya kumuntu mukwiipusha bwakucita,

Maako 4:19

sombi shintu sha mucishi ca panshi, kusuna bubile alimwi ashintu shimwi shakulikondelesha, shilafulunganya maswi akwe Lesa, aboobo tabacati shisepo.

2 Bene Kolinto 11:14

Anu tacikankamanishi mukwiinga alakwe Satana ulalisandula kuboneka anga ngumunjelo wa mumuni.