Bene Efeso 6:10 - Baibo Busansulushi Bwa Libuku Ili

¹⁰ Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Bene Efeso 6:10 Referans Kwoze

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

Bene Kolose 1:11

Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala

Bene Efeso 1:19

Ncakwiila akwaamba ayi mwishibe nkusu shinene shiteelekwi kucimwi cintu isho shitoosebensa muli ndiswe sotushoma. Ishi nkusu nshesheesho shinene abuumbi,

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Isaya 40:28

Sa tamwishi? Sa tamukwe kunyumfwaawo kale? Mwaami Lesa ngoLesa wamuyayaya uyo wakalenga cishi ca panshi coonse. Taaleemi nabi kukopoka alimwi taaku ukonsha kwishiba peela miyeeyo yakwe.

2 Timoti 2:1

Ono omwanaangu liyumyeyumye muluse ndootucite muli Klistu Jesu.

2 Makani 15:7

Sombi mwebo amuyume mutatyongoli. Mulaakulambulwa pancito iyi njemutoocita.”

Agayi 2:4

Sombi yuma webo Selubabelo. Yuma awebo Joshuwa mwanaakwe Jeosadaki, mupailishi munene. Amuyume amwebo nobantu nobene cishi. Amusebense noonse ceebo nebo ndi amwebo.

Kulumbaisha 138:3

Ciindi ndindakamulilila, mwebo mwakankumbula. Mwakanjumya moyo akunkalika caamba.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

Sekaliya 8:13

Nobene Juda abene Isilaeli, kalekale baswamashi bakalinga kushingana womwi awomwi mukwaamba ayi, ‘Aamulokele mapensho eenka akacitikila bene Juda abene Isilaeli!’ Sombi nebo ndaakumupulusha. Lyalo baswamashi abo balaakwaambilana womwi awomwi ayi, ‘Tambula shoolwe isho shakapekwa bene Juda abene Isilaeli!’ Aboobo amuyumye myoyo, mutaloondi.”

1 Makani 28:10

Ulyeelete kwishiba ayi Mwaami Lesa wakakusala ayi ukayake Ŋanda yakwe isalalite. Ono yaka! Wiiyake cakutatyongola.”

1 Samwelo 23:16

Sombi Jonasani mwanaakwe Saulo wakaya kuli Defedi kuOleshi uko mukumuyumyayumya ayi Lesa ulanoomufuna.

Sekaliya 8:9

Mwaami Lesa Shinkusu shoonse waamba ayi, “Ono mwebo nomutoonyumfwa maswi aya kuswa kumilomo ya balaluki abo bakalingaako lwiimbi lwa Ŋanda yangu ndilwakayakwa, maansaanu aayume kwaamba ayi Ŋanda yangu iyakwe.

Dutolonomi 31:23

Lyalo Mwaami Lesa wakaambila Joshuwa mwanaakwe Nani ayi, “Uyume akulishoma mukwiinga ndiwe weshi utanjilile bene Isilaeli kuya mucishi ncendakabashomesha cakulumbila, anebo nemwiine nanooli awebo.”

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.

Bene Filipi 3:1

Ono cakweelaako nobamakwesu, kamusangalala muMwaami Jesu. Nshileemi kulemba shintu nshendakamulembelaawo kale mukwiinga maswi aya alaakumucafwa.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

1 Joni 2:14

Ntoolembela ndimwe nobana bangu ceebo mulishi Ishiwesu. Ntoolembela ndimwe nobamashali bangu basankwa ceebo mulimwishi uyo wakalingaako kuswabo kumatalikilo. Ntoolembela ndimwe nobasankwa bacikula bwangu ceebo muli bayumu amaswi akwe Lesa ali muli ndimwe alimwi mwakoma Mubiibi ulya.