Bene Efeso 5:4 - Baibo Busansulushi Bwa Libuku Ili

⁴ Tamweelete kwaamba shintu shilensha nsoni, shabuluya nabi shiteelete, sombi kamwaambabo makani akulumba Lesa.

Bene Efeso 5:4 Referans Kwoze

Bene Kolose 3:8

Sombi bulya mucileeke shoonse ishi, mbuli kukalala, kukalooka alimwi amiyeeyo ya lupato. Tamweelete kutukana nabi kusebensesha myaambo ibiibi.

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

1 Bene Tesalonika 5:18

Kamulumba Lesa mushintu shoonse. Ici ncaasuni Lesa kwaamba ayi mucite kweelana ambomuli muli Klistu Jesu.

Tushimpi 15:2

Musongo ulaamba shipa lushibo, sombi muluya ulaambabo shintu shitacite ncito.

Shikushimikila 10:13

Maswi ngaataanguna kwaamba ngabuluya, sombi nkwaaya mukweela alababo abushincinko.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Judi 1:10

Sombi bantu aba balacobola cintu cili coonse ncebatanyumfwishi. Ono shintu isho nshebeshi kabotu mukusebensesha mibo yabunyama, nsheshintu sheshi shikabanyonyoole.

2 Bene Kolinto 9:15

Atulumbe Lesa ceebo ca cipo ncaakatupa, ico nceenga tatukoonshi kusansulula.

Maako 7:22

bulale, lunkumbwa, bubi, bubeshi, kutalilemeka, munyono, bufuyishi, kulisumpula alimwi abuluya.

Kulumbaisha 92:1

NoBaami baLesa, ncibotu abuumbi kumulumbaisha akwiimba nyimbo shakumulemeka nobaLesa ba kwiculu Beendaawo.

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.

2 Bene Kolinto 1:11

kweelana ambomutucafwa mumipailo yanu. Lyalo baanji balaakulumbaisha Lesa mukwiinga wakatupa shoolwe ceebo ca mipailo ya bantu baanji.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Tushimpi 12:23

Muntu ucenjete ulashisa lushibo ndwaacite, sombi baluya balaambabo caambaambe.

2 Pita 2:7

Lesa wakapulusha Loti, muntu ululeme uyo wakalinga kupenshekwa abuumbi ceebo ca buumi butaluleme, bwa bamucita shibi abo.

Kulumbaisha 33:1

Amusangalale muMwaami Lesa noonse nomululeme! Amumulumbaishe mwebo noonse nomumunyumfwila.

Filimoni 1:8

Paceebo ceeco nebo ndalinga kweeletebo kukulwiita muli Klistu nceweelete kucita.

1 Bene Tesalonika 3:9

Bulya ceebo canu tulakonsha kulumba Lesa. Twamulumba ceebo cakusangalala nkotucite pameenso akwe ceebo canu.

Bene Efeso 1:16

ndalumba Lesa lyoonsebo ceeco ca ndimwe. Ndamwiibaluka mumipailo yangu.

Joni 6:23

Lyalo maato amwi akaswa kuTibelyasi akashika pafwaafwi ampobakalita shinkwa bantu, Mwaami Jesu ndyaakamana kulumba Lesa.

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Tushimpi 26:19

mbweeke ubo muntu wiinda kumaano mubye akwaamba ayi, “Ndalinga kusekanabo,” mbwaacita.