Bene Efeso 5:25 - Baibo Busansulushi Bwa Libuku Ili

²⁵ Amwebo nobasankwa amusune bamakaanu bweenka mbuli Klistu mbwaakasuna coonde akwaaba buumi bwakwe ceebo ca ncico

Bene Efeso 5:25 Referans Kwoze

1 Pita 3:7

Amwebo nobasankwa mulyeelete kwikala calushibo lwa pacikwati abamakaanu. Amubalemeke mukwiinga banakashi mbantu batacite nkusu shiinji alimwi mulaakutambula cipo ca buumi butamaani pantu pomwi ambabo, ico Lesa ncaapa muluse lwakwe. Kamucita boobo kwaamba ayi Lesa anookumbula mipailo yanu.

Bene Kolose 3:19

Amwebo nobasankwa amusune bamakaanu, tamweelete kuba alunkutwe.

Bene Efeso 5:28

Nkokwaamba ayi basankwa balyeelete kusuna bamakaabo bweenka mbuli mbobasuni mibili yabo. Uyo usuni mukaakwe, ulilisuni mwiine.

Matalikilo 2:24

Paceebo ceeci musankwa ulaakushiya baishi abanyina akupaankana amukaakwe, lyalo balaba munyefu yomwi.

Bene Efeso 5:33

Nakubi boobo alaamba apali ndimwe. Musankwa uli woonse ulyeelete kusuna mukaakwe bweenka mbwaalisuni mwiine. Alakwe mwanakashi ulyeelete kulemeka ibaye.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Galatiya 1:4

Klistu wakalibenga ceebo ca shibiibi shesu ayi atufuune kububi bwa mucishi cino ca panshi, kweelana akuyanda kwakwe Lesa Ishiwesu.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Matalikilo 24:67

Mpeeke Isaki wakenjisha Labeka mutente yakalinga koonaamo Saala, banyina, lyalo wakamweeba. Isaki wakalinga kumusuni Labeka abuumbi, aboobo wakacileka kuyeeya banyina bakafwa.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Joni 6:51

Ndi cakulya cipa buumi cakaswa kwiculu. Na muntu uli woonse walya cakulya ici, ulaakuba abuumi butamaani. Cakulya ico nceshi nkamupe ngumubili wangu, uyo ngweshi nkape ayi bantu boonse ba mucishi ca panshi babe abuumi.”

2 Samwelo 12:3

sombi mukandu wakalinga kucitebo mwanaambelele mwanakashi womwi uyo ngwaakoola, alimwi wakakulila muŋanda yakwe. Wakalinga kumusanina ashakulya shaakwe mwiine akumusuminisha kunwa munkomeshi yakwe. Wakalinga kumulela pamyeendo yakwe. Ncakwiila mwanaambelele uyo wakalingabo anga ngumwaana mwanakashi kumusankwa uyo.

1 Timoti 2:6

uyo wakalibenga ayi alubule bantu boonse. Cilya cakaba ncitondesho paciindi ceelete ayi ncakwiila Lesa ulisuni kupulusha boonse.

Bene Efeso 5:24

Paceebo ceeco, mwanakashi woonse ulyeelete kunoonyumfwila ibaye mushintu shoonse bweenka mbuli coonde mbocinyumfwila Klistu.

Lwiimbo lwakwe Solomoni 1:11

Tulaakukupangila masikiyo agolodi, ashakubotesha sha silifa.