Bene Efeso 5:16 - Baibo Busansulushi Bwa Libuku Ili

¹⁶ Muciindi coonse mulyeelete kucita shintu shibotu mukwiinga shino nshiku shabica.

Bene Efeso 5:16 Referans Kwoze

Bene Kolose 4:5

Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.

Amosi 5:13

Paceebo ceeco muntu ucite maano uloomunabo muciindi ca mushobo uyo mukwiinga nciindi nca bubi.

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

Bene Efeso 6:13

Paceebo ceeco amufwale shakulwanisha isho Lesa nshaamupa, kwaamba ayi mukacikoonshe kulwana cakutaboola pesule pabushiku bwa kushikilwa bubi. Mwaakumanisha kulwana, mulaakushimpa.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Bene Loma 13:11

Aboobo mulyeelete kucita sheeshi mukwiinga mulishi kwaamba ayi ciindi cakubuka kuswa mutulo cashikila. Ncakwiila bushiku Lesa ndyeshi akatupulushe bwasenena kwiinda nditwakashomabo.

Shikushimikila 9:10

Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.

Bene Galatiya 1:4

Klistu wakalibenga ceebo ca shibiibi shesu ayi atufuune kububi bwa mucishi cino ca panshi, kweelana akuyanda kwakwe Lesa Ishiwesu.

1 Bene Kolinto 7:26

Ceebo ca mapensho aliiwo bulya, ndayeeya kwaamba ayi ncibotu muntu kwikalabo cakutenjila mucikwati.

Kulumbaisha 37:19

Teshi bakapengeewo nabibo muciindi cibiibi. Muciindi ca nsala balo balaakunoocite shakulya shiinji.

Bene Efeso 6:15

Kulibambila kwanu kwa kushimikila Makani Abotu a luumuno kube anga ninsapato nshemufwala.

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

Matalikilo 29:7

Lyalo Jakobo wakaamba ayi, “Ono bulya mbolicilibo malumwi alimwi ciindi cakushinjisha tacina kushikila, tamutooshitekelelanshi maanshi kwaamba ayi mushibooshe shikalye?”

Danyelo 2:8

Ndibakaamba boobo, mwaami wakaamba ayi, “Bweenka mbondalinga kuyeeya! Ndishi ayi mutoocita boobo kwaamba ayi ciindi kaciya buya mukwiinga mwebo mwabona ayi miyeeyo yangu njakwaamba ayi,

Mateyo 25:17

Alakwe wabili bweenka, wakacaninawo shuulu shobilo alimwi.