Bene Efeso 4:18 - Baibo Busansulushi Bwa Libuku Ili

¹⁸ alimwi miyeeyo yabo icili mumunshinshe. Bantu abo tababeteko lubasu kubuumi ubo Lesa mbwaapa mukwiinga taaku ncebeshi alimwi mukwiinga mbeshicimpamya.

Bene Efeso 4:18 Referans Kwoze

Mateyo 13:15

Mukwiinga bantu aba mbeshicimpamya, alimwi bashinka mumatwi akucala meenso abo. Nakuteshi boobo naakwiinga kababonesha akunyumfwishisha akuba amyoyo yakusuna kukutika, kwaamba ayi basanduke kuswa kushibiibi shabo, ayi nebo neLesa mbashilike.’

Bene Efeso 2:12

Ono amuyeeye ayi paciindi ico mwakalinga bantu bateshi Klistu. Mwakalinga baswamashi batasalitwe aLesa. Temwakalingaako lubasu kushipangano Lesa nshaakapanga abantu bakwe isho shakalinga kwiimfwi pasheesho Lesa nshaakabashomesha. Mwakalinga kushiitebo mucishi ca panshi kwakubula ancemwakalinga kulangila, kamuteshi aLesa.

Joni 12:40

“Lesa wakabapofosha akuyumya mitwi yabo, cakwaamba ayi tabakoonshi kubona ameenso abo nabi kunyumfwishisha amyoyo yabo. Nabibo kusandukila kuli ndime ayi mbashilike.”

1 Bene Tesalonika 4:5

kuteshi mulunkumbwa lwa mubili anga mbantu bakunsengwe bateshi Lesa.

Jemusi 4:4

Mwebo nobantu batashomeki! Sa tamwishi kwaamba ayi kupanga bushicibusa abuumi bwa cishi ca panshi nkuba mulwani wakwe Lesa? Ee, uyo woonse usuni buumi bwa cishi cino ulalilengesha kuba mulwani wakwe Lesa.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

Bene Kolose 1:21

Kale kale mwebo mwakalinga kulaale aLesa alimwi mwakalinga balwani bakwe ceebo ca shintu shibiibi nshemwakalinga kucita alimwi akuyeeya.

1 Joni 2:11

Sombi uyo upatite mubye uli mumunshinshe. Uleenda muli nguwo alimwi ankwaatooya taakwishi ceebo munshinshe wamulengesha kupofola.

Bene Galatiya 4:8

Kale kale Lesa temwakalinga kumwishiiwo, aboobo mwakalinga kusebensela shintu shitabete Lesa.

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Milimo ya Batumwi 17:30

Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

Bene Loma 2:19

Kweelana ambocibete ulashoma ayi uli mutanjilili wa boofu, mumuni wa baabo bali mumunshinshe

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Danyelo 5:20

Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.

Kulumbaisha 74:20

Kamwiibaluka cipangano canu ncemwakatupa, mukwiinga kuli beshikunyonyonganya mumisena yoonse iyubite ya mucishi.

2 Bene Kolinto 3:14

Ncakwiila maano abo alicalitwe ceebo kushikila sunu cisani ceenka ico cilafweka maano abo ndibabelenga Cipangano ca Kale kale. Cisani cilakushikwabo na muntu wekala muli Klistu.

Isaya 25:7

Mpomunyaawo pakalundu mpweshi akafwekwite bantu likumbi lya buumba ilyo lyalinga pamishobo yoonse.

Milimo ya Batumwi 3:17

“Ono nobamakwesu, ndishi kwaamba ayi mwebo abamatanjilili banu mwakacita sheeshi kuli Jesu mukutashiba.

Bene Loma 11:7

Anu twaambe buyani? Ncakwiila bene Isilaeli tabakwe kucicana ncibakalinga kuyandoola. Sombi baniini abo Lesa mbwaakasala. Paceebo ceeco bamwi boonse bakaba beshicimpamya.

1 Bene Kolinto 2:8

Taaku nabi womwi pakati ka beendeleshi bamucishi wakalinga kwishi busongo ubu ceebo nebakalinga kubwishi, naakwiinga tabakwe kupopa Mwaami wa bulemu pamucilingano.

Bene Efeso 2:1

Kale kale mwebo mwakalinga kufwite mumushimu ceebo cakutanyumfwila Lesa kwanu alimwi ashibiibi shanu.

Bene Ebulu 5:2

Ceebo cakwaamba ayi alakwe mwiine ulilefukite, ulakonsha kubombya moyo kubaabo babisha mukubula lushibo.

Bene Ebulu 9:7

Sombi mupailishi munene eenkabo ngowakalinga kwinjila mucipinda ca mukati alimwi ndinkanda lyomwibo pamwaaka. Wakalinga kwinjila abulowa ubo mbwaakalinga kupa kuli Lesa ceebo ca shibiibi shakwe mwiine alimwi asha bantu isho nshebakacita kabateshi.

1 Pita 1:14

Amube anga mbaana banyumfwila, mutaleeki lusuno lwa shintu shibiibi kwaamba ayi lumweendeleshe ulo ndomwakalinga kucite kamutana kwishiba Klistu.

Bene Lefi 11:16

ntibatiba, makwiikwi, bacibengelele, tukoshi

Esekelo 14:5

Ndaakucita boobo kwaamba ayi mbooshe myoyo ya bene Isilaeli abo boonse bakanshiya ceebo ca shibumbwabumbwa.’